"Аялал жуулчлалын мэргэжилтнүүдэд 1 тэрбумын тэтгэлэг олгоно"

Монгол Улс жуулчдыг олноор татаж, аяллын салбарыг эдийн засгийн гол хүч болгоход онцгой анхаарч буй. Тэгвэл энэ жил салбар яам болон холбоод, аж ахуй нэгжүүд хэрхэн анхаарч байгаа талаар байр суурийг тодрууллаа.

Аялал жуулчлалын мэргэжлийн холбооны дэд ерөнхийлөгч Д.БАТБОЛД:

-Аялал жуулчлалын салбарын хөгжлийн том хэсэг нь хүний нөөц. Одоо хөдөлмөрийн зах зээл дээрх аялал жуулчлалын эрэлт өндөр байна. Ялангуяа улирлын шинж чанартай аялал жуулчлалд хүний нөөц маш том асуудал. Сүүлийн жилүүдэд хүн амын хүчин зүйл, цар тахал гээд олон хүчин нөлөөллөөс хамаарч хүний нөөц бэлтгэх ажил царцанг байдалд орсон. Эрэлт ихэссэн хэрнээ нийлүүлэлт багассан. өнгөрсөн жил хийсэн судалгаагаар ойрын дөрвөн жил дараалж боловсон хүчин бага байх зураглалтай гарсан.

Аялал жуулчлалын мэргэжлийн эрэлттэй мэргэжлийн жагсаалтад оруулах зайлшгүй шаардлагатай гэж үзээд өнгөрсөн жилээс орсон байгаа.

Хоёр жилийн өмнөөс салбарын шилдэг суралцагч нарт Байгаль орчин аялал жуулчлалын сайдын нэрэмжит тэтгэлгийг олгоод эхэлсэн. Мөн салбарын хүний нөөцийн зорилтот төслийг хэрэгжүүлж байна. Өнгөрсөн жил 400 сая төгрөгийн тэтгэлэг зарлаж, аялал жуулчлалын чиглэлээр суралцагч оюутан бүрд гурван сая төгрөгийн тэтгэлгийг хувийн хэвшлийн байгууллагуудаас олгосон. Улмаар тэтгэлэг олгосон оюутнуудаа өөрийн байгууллагадаа дадлагажуулж ур чадвар, мэдлэгийг нь нэмж, улирлын чанартай эрэлтээ хангаж эхэлсэн.

Энэ жил аялал жуулчлалын чиглэлээр суралцаж байгаа оюутнуудад олгодог тэтгэлгийн хэмжээ нэмэгдэж байгаа. Тэтгэлэгт дадлагат оролцох хүсэлтээ олон аж ахуй нэгж илэрхийлсэн.

2024 онд 300 орчим оюутныг энэхүү тэтгэлэгт дадлагын хөтөлбөрт оролцуулна. Нийт оюутнуудаас шилдэг 20-ыг нь Байгаль орчин аялал жуулчлалын сайдын нэрэмжит тэтгэлгээр шагнаж, шилдгийн шилдэг хоёр оюутан, хоёр багшийг гадаад руу аялуулна. Аялал жуулчлалын үйлчилгээний салбарт хүний нөөц маш чухал. Энэ салбарт хүний нөөцийг робот, ухаалаг хэрэгсэл огт орлож чадахгүй. Учир нь хүнд сэтгэгдэл төрүүлэх үйлчилгээг хүнээс хүнд л өгөх боломжтой.

ДЭД БҮТЦИЙН ХӨГЖИЛД ГОЛ БЭРХШЭЭЛҮҮД БАЙНА

Аялал жуулчлалын мэргэжлийн холбооны тэргүүн дэд ерөнхийлөгч Т.БАТТУЛГА:

-Жуулчны тоог олон болгох бодлого баримталбал хөрөнгө оруулалт нь дагаад өснө. Гэхдээ аялал жуулчлалын салбарт тулгарч байгаа гол бэрхшээл нь дэд бүтэц хязгаарлагдмал байгаа явдал. Хангалттай их жуулчин ирүүлэх гэхээр газраар явах бололцоо нь хязгаарлагдмал, төмөр зам байхгүй, олон улсын нисэх буудал ганцхан. Тэгэхээр улам өргөжүүлэх шаардлагатай. Хөрөнгө оруулалтын тухайд манай дотоодын бизнесийн байгууллагууд, үндэсний аж ахуй нэгжүүд хамгийн оролцоотой байдаг. Харин гадаадын хөрөнгө оруулалт аялал жуулчлалын салбарт бараг байдаггүй.

Онлайн төрөл бүрийн платформ маш сайн хөгжсөн байгаа өнөө үед Монгол руу хэн явахыг хүсч байна тэр хүнийг татаж авч ирэх боломжтой.

Ганцхан цагийн дотор Монгол Улсын талаар хүссэн бүх мэдээллээ дэлхийн хаанаас ч авч, хөтөлбөрөө гаргаж ирж байгаа жуулчдын тоо жил ирэх бүрд өсч байна. Тэгэхээр ийм хүмүүст юу санал болгох вэ? гэдгийг тодорхойлох нь маш чухал. Эко байгаль дээр суурилсан аяллаас эхлээд нүүдэлчин ахуй соёлын талаар сурталчилсан олон сонирхолтой хөтөлбөрүүд гаргавал аялагчдын тоо өссөөр байна. Ер нь аяллын компаниуд бие биенээсээ ялгарч, мэргэших хэрэгтэй. Явган аялал, ууланд алхалт, дугуй аялал гэхчлэн дагнах хэрэгтэй.

НЭГ ЖУУЛЧИН 27 АЖЛЫН БАЙР БИЙ БОЛГОДОГ

Аялал жуулчлалын мэргэжлийн холбооны зах зээл чиг үүрэг хариуцсан дэд ерөнхийлөгч В.БАТЗОРИГ:

-Хил орчмын аялал жуулчлал Монгол Улсад хөгжүүлэх хамгийн шаардлагатай байгаа нь. Эдийн засаг, орон нутагт үр өгөөж өндөртэй төдийгүй жуулчдад ч сэтгэл ханамж эерэг үлдэх боломжтой учир хил орчмын аялал жуулчлал дээр онцгой анхаарах хэрэгцээ үүссэн. 2024 оны дөрөвдүгээр сарын 3-нд Засгийн газрын хуралдаанаар орж, хил орчмын аялал жуулчлалыг хөгжүүлэх хүрээнд Хятадын иргэдэд 10 хоногийн хугацаанд визгүй зорчих боломжийг нээсэн.

Ингэхдээ тухайн боомт бүхий аймаг, орон нутагт 10 хоногоор аялуулъя гэдэг шийдвэр гарсан. Тэгэхээр Хятадын талаас ч тэр жуулчдаа явуулах хүлээлт өндөр байсан.

Монгол Улс энэ журмаа баталсан бол хил орчмын аялал жуулчлалаа хурдан нээгээч гэх хүсэлтүүдийг ч удаа дараа тавьж байна. Тиймээс бид одоо жуулчдыг ирэхэд бэлэн байдлаа сайтар хангасан байх хэрэгтэй. Тур компаниуд жуулчдад 10 хоногийн турш ямар бүтээгдэхүүн хөгжүүлэлт хийж, борлуулалт хийх вэ зэрэг зүйлсээ ч бэлтгэж байна. Хил орчмын аялал жуулчлалыг хөгжүүлснээр цаашид гарах үр дүн эдийн засагт хамгийн өндөр нөлөө үзүүлнэ. Нэг жуулчин 27 ажлын байрыг бий болгодог учир хил орчимд ирж байгаа жуулчид нэгдүгээрт, визгүй орж ирж байгаа гэдгээрээ маш давуу талтай.

12 сэтгэгдэл

Хариулахаа болих

Нэргүй 2024-04-19 59.153.114.191

я****н оюутанууд тэрбумийн тэтгэлэг авахий тулд өдөр шөнөгүй орос казак малтай цувруулж ингийн цуваадож бга Сэкс аялол жуулчлол хөгжиж ба бха

Хариулах

tiim baiho orosuudtai sexdja outan yanhanuud chin terbumii tetgeleg awsan gd buun bayr

AmandaMiller 2024-04-19 45.84.176.37

Харуулах боломжгүй.

HannahHand 2024-04-19 109.248.138.21

NoelleWallace 2024-04-19 188.130.136.39

VeronicaMccray 2024-04-19 45.86.0.7

KathyGordon 2024-04-19 188.130.218.236

Нэргүй 2024-04-19 188.130.211.189

зочин 2024-04-19 139.5.216.87

татвар төлөгчдийн хэдэн төгрөгийг дэмий зарлагадаж байна даа

Нэргүй 2024-04-19 66.181.160.30

Энэ зураг дээрх нөхдүүд харваас "Завсрын үе"-ийнхэн байна?! Эд нар юу ч хийхээс буцахгүй, төрд удвал юу ч үгүй сүйтгэж дуусна шүү!! Эднийг аль болох түргэн зайлуулах ёстой! 1980-аас хойш төрсөн хүүхдүүд бүхэл үеэрээ түрэн гарч ирсэн цагт эрх биш арай гайгүй болох учиртай?!! Харин 2000-аас хойш төрсөн үеийнхэн 35-40 нас хүрэх үед л төр маань цэвэршиж, нийгэм маань эрүүлжиж, улс маань эрс хөгжих нигууртай гэж өвгөн би найддаг юм даа?!! 1950-1960 оныхон Хүрэлсүх нараар дуусгавар болох байлгүй?!