Лондончууд өөрсдийнхөө дайсанд хожигдлоо гэж gold.com сайтад бичжээ. 2004-2007 онд Челси багийг удирдаж байсан "Интер" багийн ерөнхий дасгалжуулагч Моуриньо "Челси" болон "Интер" багийн аваргын лигийн хариу тоглолтын өмнө болсон хэвлэлийн бага хурлын үеэр ингэж хэлжээ. Гэхдээ тэр энэ үгийг тоглоом болгож хэлсэн байна. Тэгээд "Би Челси багийн олон хөлбөмбөгчинтэй түүний дотор уг багийн эзэн Роман Абрамовичтай тун сайхан харьцаагаа хадгалж ирсэн" гэсэн байна. Харин тоглолтын дараа Моуринью хэлэхдээ "Абрамович ухаантай хүн. Челси энэ удаад өөрөөсөө хүчтэй багт хожигдсон гэдгийг ойлгож байгаа байх" гэж өгүүлжээ.
Аваргуудын лигийн финалын 8/1-ийн хариу тоглолт Лондонд болсон бөгөөд 0:1-ийн харьцаагаар Италийн багийн хожлоор өндөрлөсөн юм. Цорын ганц гоолыг тоглолтын 78 дахь минут дээр Камероны довтлогч Самуэль Это"О хаалганд хийсэн байна. Үүний өмнө Миланд болсон тоглолтод мөн тэд 2:1-ээр хожсон байсан юм. Ингэснээр Миланы "Интер" аваргын лигийн финалын 4/1-ийн тоглолтод цаашид оролцох эрх авлаа.
                                                                                                                           Л.Золбаяр