Израилийн хилийн ойролцоох Ливанд дэлбэрэлт болсны улмаас хэд хэдэн Израилийн цэрэг шархадсан гэж "IDF" мэдэгджээ.  Энэ талаар Ливаны зэвсэгт Хезболла  бүлэглэл халдлага үйлдсэнээ хүлээн зөвшөөрч Даваа гаригт Ливаны нутаг дэвсгэрт нэвтэрсэн Израилийн цэргүүдийг онилж “тэсрэх төхөөрөмж” дэлбэлсэн гэж мэдэгдэв. Өмнөд Ливаны Тел Исмаилд уг хэрэг болсон ба  Израилийн цэргүүд Ливаны хилийг давж, эргүүл хийх үед халдлага болсон.  Израилийн Газын зурвас зургаан сарын турш хийсэн дайны дараа Хезболла анх удаа халдлага үйлдэв. Энэ нь Ираныг дэмжиж буй илрэл гэж шинжээчид үзлээ.

Израиль болон Хезболлагийн хооронд өрнөж буй тэмцэл  голдуу хилийн бүсэд өрнөж байна. Хезболла аравдугаар сарын 8-наас хойш  Газын зурваст байх палестинчуудтай эв санааны нэгдэлтэй байгаагаа илэрхийлж ирсэн.  Израиль Газын зурваст 120 км хилийн дагуу бараг 4000 удаа дайрчээ.  Сүүлийн зургаан сарын хугацаанд Ливан дахь Хезболла болон бусад зэвсэгт бүлэглэлийн 295 дайчин, хүүхдүүд, эмч, сэтгүүлчид зэрэг 73 орчим энгийн иргэн Израилийн дайралтад амь үрэгдсэн байна. Олон улсын цагаачлалын байгууллагын мэдээлснээр Ливаны өмнөд хэсэгт болсон мөргөлдөөний улмаас 90 мянга гаруй хүн дүрвэсэн байна. Израилийн хувьд  хилээс 2 км  зайд орших 28 хот, тосгоны оршин суугчдыг нүүлгэн шилжүүлэхийг уриалав. Хезболла бүлэглэл Израилийн эсрэг явуулж буй цэргийн ажиллагаа нь Газын зурваст хийсэн дайралт зогсох хүртэл үргэлжилнэ гэж мэдэгдэв.

Эх сурвалж: Aljazeera