Чөлөөт бөхийн Ази тивийн аварга шалгаруулах тэмцээн Бишкек хотноо үргэлжилж байна. Эмэгтэйчүүдийн 68кг-д барилдсан ОУХМ Э.Дэлгэрмаа хүрэл медалийн төлөө Хятадын тамирчин Ли Зөлюүтэй барилдаж, сүүлчийн 22 секундэд ялж хүрэл медалийн эзэн боллоо. Тэрбээр Монголын чөлөөт бөхийн тамирчдаас олимпын эрхээ аваад буй 2 тамирчны нэг билээ.

Харин 59кг-д Б.Анударь алтан медалийн төлөө Хятадын тамирчин Жан Гитай барилдаж мөнгөн медалийн эзэн боллоо. Үеийн эхэнд барилдаан дөнгөж эхлээд өрсөлдөгчийнхөө мэхэнд орсноор 10-0 харьцаатай оноогоор цэвэр ялагдсан юм. Одоо 20 настай тэрээр олон улсын анхны тэмцээндээ оролцож, анхны медалиа ийнхүү хүртлээ гэж Монголын чөлөөт бөхийн холбооноос мэдээллэв.

ГЭРЭЛ ЗУРГИЙГ З.ЖАМБАЛСҮРЭН