ОХУ агаарын довтолгооноос хамгаалах систем болон цэргийн сургагч нарыг Нигер рүү илгээсэн байна. Нигерийн  засгийн газар  Сахелийн  зэвсэгт бослогын эсрэг тэмцэж байсан Францын цэргийг хөөн гаргасны дараа Оростой  хамтын ажиллагаагаа эрчимжүүлэхээр тохиролцжээ. ОХУ-ын Батлан ​​хамгаалах яамны "сүүлийн үеийн цэргийн техник, цэргийн зааварлагч" нар Нигерийн нийслэлд Пүрэв гаригийн орой газардсан байна.  Нигерийн засгийн газар “Орос улс манай агаарын орон зайг бүрэн хянахын тулд агаарын довтолгооноос хамгаалах систем суурилуулахад тусална” гэж мэдэгдсэн. Ниамейд Оросын 100 гаруй цэргийн сургагч ирсэн гэж Нигерийн төрийн мэдлийн радио телевиз мэдээлсэн. Дэлхийн хамгийн ядуу орнуудын нэг болох Нигер нь Сахел дахь зэвсэгт дайчидтай тулалдахад барууны фронтын түнш байсан. Гэвч өнгөрсөн долдугаар сард төрийн эргэлт хийж, сонгогдсон Ерөнхийлөгч Мохамед Базоумыг түлхэн унагасны дараа Оросоос тусламж хүслээ.
Нигер улс АНУ-тай байгуулсан цэргийн гэрээгээ өнгөрсөн гуравдугаар сард  цуцлахаар шийдсэн юм. Пентагон  тухайн үед Нигерт хоёр цэргийн бааз ажиллуулж байсан ба нэг нь 100 сая ам.доллараар баригдсан нисгэгчгүй онгоцны тусгай бааз байв. АНУ- ын 1000 орчим цэрэгт одоог хүртэл тус баазуудад байгаа ч Нигер төрийн эргэлт хийснээс хойш тэдний хөдөлгөөн хязгаарлагдмал болсон.  Цэргийн засгийн газрын тэргүүн, генерал Абдурахамане Чиани өнгөрсөн гуравдугаар сард ОХУ-ын Ерөнхийлөгч Владимир Путинтэй утсаар ярьж, “одоогийн аюул заналхийллийн эсрэг “дэлхийн стратегийн хамтын ажиллагаа”-ны талаар ярилцсан” гэж мэдэгджээ. Нигер улс төрийн эргэлт хийсний дараа цэргийн удирдагчдын захирч байсан хөрш Мали, Буркина Фасо улсуудтай нэгдсэн. Тус орнууд урт удаан үргэлжилсэн зэвсэгт бослоготой тэмцэх хамтарсан хүчин байгуулжээ. Төрийн эргэлт хийснээс хойш тус бүс нутагт хүчирхийлэл хурцдаж, тогтворгүй байдал нь  хил залгаа бүс нутагт хүмүүнлэгийн хямралыг улам хурцатгаж байна. Он гарснаас хойш буюу гуравдугаар  сарын байдлаар гурван сая гаруй хүн Нигерээм дүрвэсэн гэж Олон улсын цагаачлалын байгууллагаас энэ долоо хоногт мэдээлэв.

Эх сурвалж: Aljazeera