MIT буюу Массачусеттсын технологийн институтын технологийн тоймд 2024 оны онлцох арван технологийг танилцуулжээ.

1.Бүх зүйлд зориулсан хиймэл оюун ухаан

Бид одоо хиймэл оюун ухааны эрин үед амьдарч байна. Олон зуун сая хүмүүс ChatGPT гэх мэт мэдээллийн хэрэглүүртэй шууд харилцаж, текст, зураг, видео болон бусад зүйлийг санал болгож байна. Хиймэл оюун ухааны ачаар OpenAI алдар нэрт хүрч, Google, Meta, Microsoft компаниудыг энэ чиглэлд ихээхэн хөрөнгө оруулж буй. 

2. Нарны зай хураагуур

Нарны эрчим хүчийг дэлхий даяар эрчимтэй ашиглаж байгаа бөгөөд энэ нь нүүрстөрөгчийн ялгаруулалтыг бууруулах дэлхийн хүчин чармайлтын гол түлхүүр юм. Гэвч өнөөдрийн хавтангуудад тусч байгаа нарны ихэнх туяаг цахилгаан болгон хувиргадаггүй. Жижиг талстуудын давхарга нэмбэл нарны хавтанг илүү үр ашигтай болгох боломжтой аж. 

3. Apple Vision Pro

"Apple"-ийн анхны орон зайн компьютер "Vision Pro" тэсрэлт хийж байна. Гэхдээ энэ төхөөрөмжийн ирээдүй хүн төрөлхтнийг хааш нь чиглүүлэх бол гэдэг асуулт анхаарал татсан.

Энгийнээр хэлэхэд, нүдний шилний хэлбэртэй компьютер нүүрэндээ зүүн бодит орчинд хиймэл орон зайг ашиглан тодорхой үйлдлүүдийг хийж болно гэсэн үг. Та бүхэн "Төмөр хүн" киног үзсэн бол "Vision Pro" бол Тони Старкийн өмсгөлийн дуулга гэж хэлж болно.

4. Жин хасах эм

Дэлхий дахины таргалалтыг ДЭМБ-аас тахал гэж нэрлэсэн. "Mounjaro", "Wegovy" зэрэг эмүүд нь одоо өвчтөн, эмч нарын хамгийн хүчирхэг хэрэгсэл болоод буй. Эдгээр эм нь зүрхний шигдээс, цус харвалтаас ч хамгаалж чадна гэдгийг нотлох баримт харуулжээ. 

5. Газрын гүний дулааны систем

Газрын гүний дулааны энерги нь цэвэр, үргэлж бэлэн, бараг хязгааргүй байдаг. Гэсэн хэдий ч инженерийн сорилтуудын улмаас бид ашиг тусыг нь бүрэн хүртэж чадахгүй л байна. Бидний өмнө нь хүрч чадахгүй байсан газруудад хүрч, илүү гүн өрөмдөж буй шинэ техникүүд нь цэвэр эрчим хүч үйлдвэрлэх алсын зорилгод бага багаар тус дэмж болсоор байгаа. 

6. Чиплет

Транзисторыг жижигрүүлэх нь улам л хэцүү болж байна. Энэ нь Мурын хуулийн тодорхойлж, хэдэн арван жилийн турш тооцоолоход ахиц дэвшил авчирсан чиг хандлага. Инженерүүд одоо компьютерийг илүү хурдан, илүү үр ашигтай болгох шинэ арга замыг хайж олох ёстой. Чиплет нь ердийн чипээр хийдэг бүх зүйлийг хийх боломжтой жижиг, тусгай чипүүд юм.

7. Үүдэл эс засварлах эмчилгээ

CRISPR дээр суурилсан шинэ эмчилгээг олон жилийн турш хийж байна. 2023 оны сүүлийн долоо хоногт Vertex-ийн нэг нь амь насанд аюултай өвчин болох хадуур эсийн өвчнийг эмчлэх чадвараараа Их Британи болон АНУ-ын зохицуулалтын зөвшөөрөл авсан анхдагч болжээ. 

8. Exascale компьютерууд

Дэлхийн хамгийн хурдан суперкомпьютерууд одоо эксафлопоос ч илүү тооцоо хийх боломжтой. Шинжлэх ухааны мэдээллийг эдгээр хурдаар задлах шинэ машинууд нь эрдэмтдэд цаг уур, цөмийн хуваагдал, үймээн самуун гэх мэт илүү нарийн загварчлал хийх боломжийг олгоно.

9. Дулааны насос

Дулааны насосууд нь барилга байгууламжийг хөргөж, халаах чадвартай цахилгаан хэрэгсэл бөгөөд өргөн хэрэглээ нь утаа ялгаруулалтыг мэдэгдэхүйц бууруулж чадна. Дэлхий даяар борлуулалт нь нэмэгдсэн бөгөөд АНУ-д анх удаа хийн зуухыг давж гарчээ. Илүү өндөр температурт ажилладаг шинэ төрлүүд нь үйлдвэрийг нүүрстөрөгчгүйжүүлэхэд туслах гэнэ. 

10. Твиттерийн өрсөлдөгчид

Элон Маск одоо X нэртэй сайтыг 2022 онд худалдаж авсан бөгөөд түүнээс хойш бараг юу ч өөрчлөгдөөгүй. Тэрбээр ихэнх ажилчдаа халж, контентын зохицуулалтаас татгалзаж, сурталчлагч болон хэрэглэгчдийг айлгасан. Одоо "Bluesky", "Threads" болон бусад хувилбарууд газар авахын хэрээр Твиттер зах зээлээс шахагдаж байна.