Олимп: Монгол тамирчдын өв соёлоо тээсэн ондоошил, гангараа

Хүн төрөлхтний эв нэгдлийн бэлгэ тэмдэг болсон олимпийн наадам Парис хотноо нээлтээ хийхэд 105 өдөр үлджээ. Олимпод аливаа улсын ёслолын хувцас сонин, содин харагддаг. Улс орон бүр өөрсдийн түүх соёл, зан заншлаа шингээж, ондоошлоороо ялгадаг. Тиймээс аль улс хамгийн гоё загварын ёслолын хувцас урлах вэ гэдэг нууцхан өрсөлдөөн өрнөдөг.

Саяхан олимп, паралимпийн наадамд оролцох үндэсний шигшээ багийн бэлтгэл ажлыг зохион байгуулалтаар хангах үндэсний хороо хуралджээ. Энэ үеэр Парисын олимп болон паралимпод оролцох тамирчид, дасгалжуулагчид, арын албаныхан болон албаны хүмүүсийн гоёх ёслолын хувцас болон бэлтгэлийн хослолтой танилцжээ. Энэ удаагийн Монголын баг тамирчдын хувцсыг үйлдвэрлэгч болон загварын сонгохдоо 18-60 насны 9,222 иргэн, Үндэсний шигшээ багийн 303 хүний дунд санал асуулга явуулж, 17 брэндийг нэрлэсэн байна. Тиймээс Монголын үндэсний олимпийн хорооны хамгийн өндөр санал авсан 10 байгууллагатай хамтран ажиллах үйл ажиллагаа өрнүүлж, “Michel & Amazonka” брэнд баг тамирчдын ёслолын хувцсыг, “Mizuno” брэнд спортын хувцсыг урлахаар шийдвэрлэв.

Төр, засгийн зүгээс 2024 онд Парисын олимп, паралимпийг дэмжих үйл ажиллагаанд 2.2 тэрбум төгрөг зарцуулах бол баг, тамирчдын цалинд 5.6 тэрбум төгрөг төсөвлөсөн байна.

Тэгвэл өмнө нь Монголын баг тамирчдын зуны олимп, паралимпийн хослолыг хэн урлаж байсан бэ?

ТОКИО-2020

2019 онд Монгол Улсын Засгийн газраас “Монгол брэнд” үүсгэх, үндэсний үйлдвэрээ дэмжих зорилгыг хэрэгжүүлэхээр 59 дүгээр тогтоол баталсан. Улмаар Монгол Улсын Үндэсний шигшээ баг, тамирчдаар дамжуулан үндэсний өв уламжлал, соёл, хөгжил дэвшлийг илэрхийлсэн брэнд өнгө төрхийг тодорхойлохоор загварын уралдаан зарлаж, сонгон шалгаруулалт явуулсан.

Энэхүү спортын болон ёслолын хувцасны загварын уралдаанд нийт 10 загвар зохион бүтээгч загвараа ирүүлснээс “Michel & Amazonka” ХХК-ийн ирүүлсэн загвар шалгарсан юм. Тус компани нь олимпийн нээлт, хаалтын ёслолын болон спортын хувцас үйлдвэрлэх эрх авсан. Мөн тамирчдын өдөр тутмын бэлтгэл сургуулилалтад зориулсан спортын хувцсыг Японы "Mizuno" брэнд бүрэн хариуцахаар гэрээ байгуулсан. Ийнхүү "Токио-2020" олимп, паралимпийн наадамд оролцох баг тамирчдын өмсөх спортын болон ёслолын хувцасны зардалд 394,3 сая төгрөг гаргахаар тооцоолж, “Токио олимп сан”-гаас санхүүжилтийг нь шийдвэрлэсэн аж.

"Michel & Amazonka" брэндийн хамт олон олимпийн эрх авсан тамирчдын үс засалт, нүүр будалт зэрэг дээр зөвлөгөө өгч, тамирчдаас биеийн хэмжээг нь авч тааруулан хийсэн ба бүрэн хэмжээгээр нь малгай, толгойн гоёл, гутал, оймс гэх мэт цогц байдлаар шийдсэн гэнэ.

Токиогийн олимпийн нээлтийн дараа Монголын ёслолын хувцсыг олон орны хэвлэл мэдээлэл онцолж байсан билээ.

РИО-2016

"Рио-2016" олимпийн наадамд Монголын баг тамирчдын өмссөн ёслолын хослолыг Шилмэл загвар компанийн дизайнер Д.Өнөболор урласан. Тухайн үед Ариунаа Сүри, н.Цэлмэг, Н.Үнэнбат, Д.Ариундэлгэр, Д.Өнөболор тэргүүтэй загвар зохион бүтээгчдийн дунд сонгон шалгаруулалт явагдаж, өмнө нь хоёр удаагийн олимпийн наадамд Монголын тамирчдын хувцас дээр ажилласан туршлагатай Д.Өнөболорын загвар шалгарсан юм. Мөн Японы "Asics" брэнд спорт хувцсыг хариуцан ажилласан билээ.

"Рио-2016" олимпийн наадмын ёслолын хувцасны урьдчилгаа 114,660,000 төгрөгийг Шилмэл загварт, олимпийн баг тамирчдын спортын хувцасны урьдчилгаа 135,844,580 төгрөгийг "Asics" компанид, олимпийн наадмын баг тамирчдын чемоданы 33.3 сая төгрөгийг "Мийт экспорт интернейшнл" компани руу тус тус шилжүүлжээ. Үүний дараа долдугаар сард ёслолын хослолын үлдэгдэл 39.1 сая төгрөгийг дахин "Шилмэл загвар" руу шилжүүлсэн аж.

ЛОНДОН-2012

"Лондон-2012" олимпийн наадамд Монголын баг тамирчдын өмссөн алтан шаргал хувцасны загварыг "Шилмэл загвар" компанийн дизайнер Б.Цогтгэрэл урлаж байжээ. Тухайн үед Б.Цогтгэрэл дизайнер “Алтны туяа ногоондуу шаргал өнгөтэй байдаг. Тийм учраас алтан медалийг бэлгэдэж завсрын шаргал өнгө сонгосон" гэж байв.

Б.Цогтгэрэл дизайнерын бүтээлийн нэгэн онцлог нь ороолтны загвар байсан бөгөөд төрийн далбааны улаан, цэнхэр, өнгийг хослуулсны зэрэгцээ дээр нь монгол хээ хатгасан билээ. Малгайны хувьд XX зууны эхэн үед дэлгэрч, эргээд тухайн зун моодонд орж байсан “Booter hat” загварыг сонгож байв.

Өмнө нь 11 удаа олимпийн наадамд оролцохдоо огт алтан шар хувцас өмсч үзээгүй Монголын баг, тамирчид 2008 оны Бээжингийн олимпод медалийнхаа өнгийг өөрчилнө хэмээн бэлгэдэж, шар өнгийг сонгосон. Бэлгэдэл ёсоор болж 2008 онд хос алтан медаль, ихэр мөнгөн медальтай ирсэн түүхтэй.

32 сэтгэгдэл

Хариулахаа болих

21 2024-04-12 202.55.191.130

HET UNDESNII HUVTSAS DEMII ZUGEER UNDESNII UNGU AYAS NEMEGDSEN BAIHAD BOLNOO

Хариулах

Нэргүй 2024-04-12 139.5.218.190

хятадууд л ийм хийссэн навсайсан юм өмсдөг биздээ

Нэргүй 2024-04-12 103.212.116.65

ишш, чааваас. жоохон бүтэлтэй юм хийхэд яадаг бол болдоо хөөрхий.

Зочин 2024-04-12 66.181.178.29

Ямар ч хэрэггүй юмаар Ондоошил .Юү хийж гийгүүлсэн гэж ондооших гээд бна? Ямар Fasion show yum uu. Зун Парист маш халуун,наад тамирчид чинь ядрах юм бна даа. Тэр олимпын хорооны дарга хүү чинь дэлхий тойрсон нүд мэлмий нь нээгдсэн баймаар юм. Юүн хачинхувцас вэ, ТВ үзэхээс ичих юм бнаа, өмнөх Олимпын хувцас ямар гоё байв. Африкийн хэдэн орон д эрээн мярайн нэвсийсэн харагддаг, одоо дээрэс нь манайх Нэмэгдэвээ, Еэ хөөрхис!

Zochin 2024-04-12 73.71.127.149

goyo baina.

zochin 2024-04-12 76.130.42.82

Zagvariin temtseen bish .

Нэргүй 2024-04-12 66.181.177.48

Ер таалагдсангүй. Дэлхийн маш олон улс Монголыг огт мэддэггүй. Монгол гэхээр ганц Чингис хаанаас өөр ямарч ойлголт байдаггүй. Монголчуудыг харанхуй бүдүүлэг, зөвхөн мал малладаг, бүгд эсгий гэр амьдардаг гэж ярьдаг ойлгодог юм билээ. Тэр ойлголтыг нь улам нотлох гэж байгаа юм шиг Олимпод ийм үндэсний хувцас өмсөх ямарч шаардлага байхгуй. Ямар хувцасны шоунд оролцож байгаа биш. Европ загварын хөнгөн цэвэрхэн спортлог хувцастай байх нь зөв байх. Хоцрогдсон сэтгэлгээнээсээ бид хэзээ салах вэ..

Нэргүй 2024-04-12 103.71.100.217

Парис – ийн олимпийн хувцас гоё юмаа, гоё. Ондоошох хэрэгтэй ээ.

Зочин 2024-04-12 66.181.167.4

Хормойдоо орооцолдож унаж балрах юм байна л даа, ондоошил энэ тэр гэж солиорч байснаас олонхийн жишгээ дагаад даруухан байвал зүгээр дээ, кк

5 2024-04-12 66.181.190.248

Тамирчид болохоос биш Хаад-ноёд биш шүү дээ… Зонка маш гоё загвар гаргаж, гол нь шалгаруулж байгаа балайнууд нь юу сонгоохоо ойлгосонгүй дээ

Нэргүй 2024-04-12 66.181.161.209

тийм ээ, хаад ноёд биш.. Зонка загварыш харах сан.

Нэргүй 2024-04-12 66.181.186.127

энд тавьчихсан л байна ш дээ

зочин 2024-04-12 66.181.191.42

Ямар тэнэг нь ийм юм сэтгэдэг байнаа, Рио-гийн олимтын хувцас үнэн тасархай гоё харгдаж байна.

Нэргүй 2024-04-12 103.57.94.238

Монгол хүн найрлах, гангалах, гайхуулах төрмөл өвчтэй шүү.

Нэргүй 2024-04-12 59.153.114.77

Нэг их загвар үзүүлдэг баатрууд яваад хоосон буцаж ирж балрах бий дээ.

Зочин 2024-04-12 192.82.92.42

Спорт болохоос уроагийн уздэг биш!!! Енге нь , дизайн нь сонин л юм харагдаж байна, мэдлэг, ухаан дизайнд чухал!

Нэргүй 2024-04-12 202.9.46.99

Хэт гангалаад яах вэ! Гол нь зорилгоо биелүүлж чадахгүй шал арчдагаа мэдэхгүй байж гадаад үзэмжинд хэт анхаардаг монгол зангаа болимоор. Ичээд байх юм заримдаа

Нэргүй 2024-04-12 66.181.167.106

Зуны олимпод маш хүнд хувцас хүнд өнгө бн

Нэргүй 2024-04-12 192.82.65.88

Манж загварын дээл хувцасыг улсын нүүр царай болгодогоо одоо болих хэрэгтэй. Манайхан дийлэнх нь бараан царайтай. Өнгөө бодолцохгүй бол тод шар, ногоон өнгө нүүр царайг улам бараан болгоод хэцүү дээ. Өмсөх хүмүүсийг бодох хэрэгтнй. Зурах гоё л байх.

Нэргүй 2024-04-12 59.153.113.182

ер нь л нүд хаагдмал сэтгэлгээ баригдмал тэнэг байна ичмээр юм

спортын наадам шүү дээ хэтэрхий урлагын киноны жүжгийн дээлнүүд шиг хэтэрсэн байнаа муухай байна ямар жүжигчид дуучид биш дээ тэнэг гэдэг нь

зочин 2024-04-12 66.181.160.86

Спортын арга хэмжээнд очиж байж урлагийн тайзан дээр гарах гэж байгаа юм шиг хувцаслах нь зохимжгүй шдэээээ …

цагаан дээлний ханцуйнаас юм намируулаад хятад киноны дээл байнашдээ

эмэгтэй дээлний хоёр талын урт намирсан юм нь юу вэ хятадын эртний хувцас л иймэрхүү намираатай салбан байдаг шүү дээ!!!!!!!

Нэргүй 2024-04-12 99.63.202.111

Хятад хувцас

Нэргүй 2024-04-12 66.181.160.17

Хэт үндэсэрхсэн, навсайсан юм зохимжгүй шүү!!! Ямар "Учиртай 3 толгой" жүжигт тоглох гэж байгаа биш дээ?? Орчин үеийн чиг хандлагыг харгалзах хэрэгтэй!!