Жүжигчин Нямаагийн Зориг таалал төгсчээ. Тэрбээр 1978 онд нийслэлийн арван жилийн зургаадугаар дунд сургуулийг төгсөөд ЗХУ-ын Москва хотын Бүх холбоотын кино урлагийн дээд сургуулийн найруулагчийн ангид суралцахаар болж, эхлээд Ломоносовын нэрэмжит Москвагийн Улсын их сургуулийн хэлний бэлтгэл ангид 1 жил суралцан Эрхүүгийн улсын их сургуульд сэтгүүлчийн ангид хуваарилагджээ. Нэг жил суралцаад Монголдоо буцаж, Улсын багшийн их сургуулийн кино драмын ангид орж, 1984 онд жүжигчин мэргэжлээр төгссөн байна. Тэрбээр Монголын кино урлагт өөрийн гэсэн өнгө аясыг дархалж чадсан тод уран бүтээлч байлаа.

Сургуулиа төгсөөд Монгол кино үйлдвэрт орчуулгын кино группт ажиллаж байгаад Хүүхэд залуучуудын театрт шилжин ажиллажээ.  Тэрбээр телевизийн "Хөхөөтэй цаг", "Хашаа", "Хог", "Морин тэрэгтэй сурвалжлага" зэрэг нэвтрүүлгийг найруулсан бол "Хэрээ", "Намайг сонсцгоо", "Минийх" жүжгүүдэд тоглосон юм. Кино урлагийн хувьд,