"Google" компани, Цахим хөгжил, харилцаа холбооны яамны хамтарсан 1,000 цахим мэргэжилтэн бэлтгэх хөтөлбөр эхлэв. Grow with Google буюу “Гүүглтэй хамт ургая” хөтөлбөрийн эхний элсэгчид нь Дорнодоос ирсэн малчин, 16-тай хөвгүүнээс 60 дөхөж буй эмэгтэй хүртэлх 350 хүнээс бүрдэж байна. ЦХХХ-ны сайд Н.Учрал сургалтыг нээж, Google компанийн төлөөлөгч Монголын элсэгчдэд мэндчилгээ дэвшүүлж, амжилт хүссэн байна. Тэд 100 хувийн тэтгэлгээр сурч, мэдээллийн технологийн аварга компанийн олон улсад хүлээн зөвшөөрөгддөг Google Career Certificate-ийн эзэд болно. Coursera платформ дээр англиар 3 сар цахимаар хичээллэх бол зөөлөн ур чадваруудад монгол хэлээр танхимаар суралцана. Google компанийн албан ёсны эрхтэй, Монголд анх удаагийн “Grow with Google Mongolia” тэтгэлэгт хөтөлбөр нэг хүнд 3 сая төгрөгийн мэдлэгийн хөрөнгө оруулж байна. Гурван сарын цахим, 40 цагийн танхим, дадлага, 30 цагийн ажлын байранд бэлтгэх хөтөлбөртэй. Төгсөх ангийн сурагчид, оюутнууд мэдлэгээ ахиулж, дотоодын компаниудад дадлагажих, туршлагажих боломжтой. Google Career Certificate- өвөртөлсөн хэн бүхэн цалин орлогоо өсгөх, албан тушаал ахих, мэргэжлээ солих хүсэлтэй бол түүнд нь тус дэм болно. Бусад оролцогчид цахим ур чадвараа өсгөж, хурдтай хувьсан өөрчлөгдөж буй ажлын байранд өрсөлдөх чадвартай болж, ашиг орлогоо нэмэх өргөн боломж нээгдэж байна. Аж ахуйн нэгжүүд хөтөлбөртэй хамтарч, цахим ур чадвартай, англи хэлний зохих мэдлэгтэй шинэ боловсон хүчин шалгаруулж авах, ажилтнаа хөгжүүлэх боломжтой юм. Grow with Google хөтөлбөрийн дэмжигчээр МҮХАҮТ, Монголын бизнесийн зөвлөл, Голомт банк, Хаан банк, MCS Software Group, Мобиком корпорац, Юнител групп, АПУ, Премиум групп, CIO Club, ICT Group, Intelmind, Mezorn, Gund Investment, Digit, Fibo Cloud, Infinite Solutions ажиллаж байна.

Google-тэй хамтарч 1,000 боловсон хүчин бэлтгэнэ. Эхний шатны Grow with Google хөтөлбөрт Дорнодоос ирсэн малчин, 16-тай хөвгүүнээс 60 дөхөж буй ахмад, карьераа эхлүүлж буй 350 хүн хамрагдаж байна. Монголд анх удаа зохион байгуулж буй “Grow with Google Mongolia” 100% тэтгэлэгт хөтөлбөр нэг хүнд 3 сая төгрөгийн мэдлэгийн хөрөнгө оруулж, Google Career Certificate гардуулна. Google-ийн сургалтад хамрагдаж буй 350 хүн үнэ цэнтэй мэдлэгийг богино хугацаанд хүртэж, өрсөлдөх чадвартай сайжруулж, ажлын байранд зуучлуулна. Google Career Certificate өвөртөлсөн хэн бүхэн цалин орлогоо өсгөх, албан тушаал ахих, мэргэжлээ солих хүсэлтэй бол түүнд нь тус дэм болно.