Тагнуулын ерөнхий газраас өнгөрсөн сард /2024.03.29/ Монгол Улсад тагнуул хийж байсан гадаадын нэг иргэн болон эх орноосоо урвасан гэх гурван иргэнийг баривчилж, саатуулжээ. Тагнуулын байгууллагаас хэргийг тодруулбал "Монгол Улсад тагнуул хийж байсан гадаадын нэг хүн, эх орноосоо урвасан монгол гурван иргэнийг тусгай ажиллагаа явуулж баривчилсан нь үнэн. Тэдний овог нэр, хувийн мэдээллийг өгөх боломжгүй" гэдэг мэдээллийг өгсөн юм.

Эх орноосоо урваж, гадаадын тагнуулын байгууллагын хүмүүстэй хамтран ажилласан тухайн иргэдийг ШШГЕГ-ын харьяа Хорин 461 дүгээр ангид саатуулж, мөрдөн шалгах ажиллагаа явуулж байгааг хуулийн байгууллагаас мэдээллээ.