Цаг агаарын нөхцөл байдалтай холбоотойгоор гадаад руу зорчих иргэдэд анхааруулга зөвлөмжүүдийг холбогдох газруудаас хүргэж байна.

Тодруулбал, МИАТ ТӨХК-иас Улаанбаатар хотод ойролцоогоор 2.2 см цас орж, авто замын зорчих хэсэгт халтиргаа гулгаа үүсч байгаа тул зорчигчдыг авто замын түгжрэлийг тооцон анхаарал болгоомжтой явж, нислэгийн хуваарьт цагаас 2-3 цагийн өмнө Чингис Хаан олон улсын нисэх буудал дээр хүрэлцэн ирэхийг анхааруулав.

Мөн цаг агаарын байдлаас шалтгаалж зарим нислэгт зайлшгүй цагийн өөрчлөлт зохицуулалт хийж болзошгүй гэжээ.