Хаврын улиралд цас хайлж, гадна зам талбайн шавар шавхай ихэсч байна. Хотын дарга Х.Нямбаатар гадаа агаарын температур нэмэх градуст хүрэхээр бүх нийтийн цэвэрлэгээ ариутгал, халдваргүйжүүлэлтийн ажлыг хийхээр төлөвлөж байгаагаа мэдэгдэв.

Энэ ажлыг 2024 оны дөрөвдүгээр сарын 1-нээс эхлүүлэн хоёр долоо хоногийн хугацаанд Улаанбаатар хотын нийтийн эзэмшлийн зам талбайг зад угаах ажил эхлэх гэнэ.

Хаврын улиралд хүний дархлаа эрс муудаж, халдварт болон халдварт бус өвчнөөр өвдөх эрсдэл их болдог. Тэр дундаа гадаад орчноос бактериар дамжиж өвчлөх нь их гэдгийг эмч мэргэжилтнүүд анхааруулдаг.