Хөшигийн хөндий дэх “Чингис хаан” олон улсын нисэх онгоцны буудлын дэргэдэх авто зогсоолыг 2024 оны дөрөвдүгээр сарын 8-наас төлбөртэй болгохоор болж, цэгийг байгуулан батлагдсан тарифын дагуу үйлчилгээ үзүүлэх болжээ.

Тодруулбал, тус авто зогсоолд 30 минут хүртэлх хугацаанд суудлын машинаа байршуулбал төлбөргүй бол 31 дэх минутаас нэг цаг хүртэл 1500 төгрөгийн хураамж төлнө.

Ачааны машин болон автобусыг 30 хүртэл минут байршуулбал 1000 төгрөг төлөх бол 150 минутаас дээш хугацаанд байршуулбал 4500 төгрөгийн төлбөр төлөх юм байна.

Суудлын, ачааны, автобуснаасаа үл хамаарч дээрх 4500 төгрөгийг 150 минутаас дээш хугацаанд зогсоолд байршуулсан тохиолдолд төлөх юм.

Энэ тухайгаа “Чингис хаан” олон улсын нисэх буудлын зүгээс Монгол Улсын Засгийн газар болон Япон улсын Засгийн газар хоорондын байгуулсан Концессын гэрээний 14 ба 20 дугаар зүйлүүдийг хэрэгжүүлэх зорилгоор “Авто зогсоолын төлбөр хураах цэг”-ийг байгуулж,  дээрх батлагдсан тарифын дагуу 2024 оны дөрөвдүгээр сарын 8-ны өдрөөс авто зогсоол ашигласны хураамжийг авч, төлбөртэй боллоо гэдгийг мэдэгдээд байна.