Жинсэн өмд Хойд Солонгосын дэглэмийн золиос болов

Хойд Солонгосын төрийн мэдлийн "Central TV" саяхан мод, бут тарих тухай "BBC"-ийн нэвтрүүлгийг дамжуулахдаа хөтлөгчийн жинсэн өмдийг бүрсийлгэж харуулжээ. Энэ нь сэтгүүлч Алан Титчмаршийн бэлтгэн хүргэдэг "Цэцэрлэгжүүлэлтийн нууц" нэвтрүүлгийн 2010 оны дугаар байв.Жинсэн хувцас нь Хойд Солонгосын дэглэмийн хувьд барууны империализмын бэлгэдэл гэдэг утгаараа хориотой байдаг. 1990-ээд хойш жинсэн хувцсыг Хойд Солонгост хориглосон. Барууны хэв маягаас татгалзах хандлага одоо ч хүчтэй хэвээр бөгөөд 2020 онд л гэхэд төрийн мэдлийн "Rodong Sinmun" хэвлэлд "Хөрөнгөтний соёлоос татгалзаж, социалист амьдарлын хэв маягийг сонгоё" гэсэн уриалга гарч байв.

Удирдагч Ким Жон Уны хувьд өргөн өмдөнд дуртай. Барууны брэндүүдийн логотой нарийн өмд, подволк зэрэг нь түүний эгдүүцлийг төрүүлдэг.

Алан Титчмарш энэ талаар ярихдаа "Миний жинс тийм бариу байгаагүй. Гэсэн ч Хойд Солонгост хүлээн зөвшөөрөгдөхөөргүй л байсан бололтой. Би өөрийгөө хэзээ ч тийм аюултай хорлон сүйтгэгч империалист гэж бодож байсангүй. Жинс тухтай, хэнд ч хор хөнөөл учруулахгүй" гэжээ.

Хойд Солонгосын телевизээр барууны нэвтрүүлэг гарах нь тун ховор. Гэсэн хэдий ч "Цэцэрлэгжүүлэлтийн нууц" нэвтрүүлэг Хойд Солонгост нэг бус удаа гарчээ. Сэтгүүлч Титчмарш өөрийгөө коммунист улсын телевизийн дэлгэцээр гарч буйг маш их гайхсанаа ч хэлж байсан. Юун түрүүнд уг нэвтрүүлэг яаж Хойд Солонгост ирсэн нь тодорхойгүй аж. Пёньян дахь цөөн тооны байршлуудыг эс тооцвол тэнд хиймэл дагуулын антенн, дэлхийн интернетэд нэвтрэхийг хориглосон байдаг.

Гэсэн ч Хойд Солонгосын телевизүүд лого, эх сурвалж зэргийг бүдгэрүүлэн байж барууны контентыг тогтмол нэвтрүүлдэг. Ингэхдээ ихэвчлэн Премьер лиг, Аваргуудын лиг, Олон улсын хөлбөмбөгийн нэвтрүүлгүүдийг дамжуулдаг ажээ.

Эх сурвалж: BBC

9 сэтгэгдэл

Хариулахаа болих

Нэргүй 2024-03-27 83.20.226.239

за Монголд ч бас жийнс өмсөхийг хорьдог газартай шүү. Посткоммунистууд төр барихаар арга ч үгүй юмдоо

Хариулах

рьөьрхөөхьр 2024-03-27 59.153.86.198

Хойд Солонгосын талаарх иймэрхүү мэдээнд итгэхээ байсоон. сүүлд худлаа мэдээ болж таардаг. Тун хэцүү алу хяддаг, бууддаг нохойд хаяж өгдөг, өлсөж үхэж бгаа нэр бүгд худлаа бсан. Одоо лав технологийн өндөр хөгжилтэй болж бгаа даг энэ улс. Цөмийн технологи, зэвсгийн чадварыг бүгд зөвшөөрсөн. НҮБ ын хоригт орсон юу юугүй Кимийн дэглэм нурна л гээб бсан нурах байтугай хөгжөөд л байгаа

Нэргүй 2024-03-27 202.126.91.42

хог ийн либерал..багий байна .удахгүй нарийн амь тасрах байх

зочин 2024-03-27 63.141.48.218

гар утас, приус эд нар чиь хөрөнгөтөн улсад үйлдвэрлэгдсэн учираас Хойд Сзолонгост хэрэгэлэгддэггүй юм байна. Тоүота, Самсунг бол цаашаа….

Нэргүй 2024-03-27 103.57.93.96

Путин Украйнтай дайтаад л, Хүүк Монголын Еөөк хэвээрэ э байгаад л байвал манайд ч бас ийм л болно доо !

Нэргүй 2024-03-27 202.9.40.63

пуканчууд маань хэзээ нэг хүний амьдралаар амьдрах юм болдоо. Зоригтойхон тэмцэл хийгээсэй. Хангүгчүүд аймшигтай тэмцэгч хүмүүс шд.

Нэргүй 2024-03-27 139.5.219.12

Австри улсаас нэг Австри нөхөртэй улаан коммунист Путины шүтэн бишрэгч нэг Монгол авгай байнаа фэйсбүүк дээр байнга юм бичээд шизо маягийн

Зочин 2024-03-27 66.181.161.3

Манайд ч одоо болтол ийм үзэл суртал байгаашдээ. Ухна билүү соёл урлагийн салбарт олон жил төв хорооны бууны нохой хийсэн нэг гар Авьяаслаг Монголчууд шоуны үеэр нэг дуучин залуу ийм өмдтэй байсныг шүүмжлээд галзуурахаа дөхсөн. Уг нь тэр залуу задгай тайзан дээр л дуулсан юм л даа. Муу ч үгүй нэлээн аятайхан авсан. Гэтэл мань хөгшин төгцөг дуулахад жийнс онцгой нөлөөтэй гэж үзсэн.