Нийслэлийн Баянзүрх дүүргийн цагдаагийн газарт 2024 оны гуравдугаар сарын 25-ны өдөр согтуу хүн гар буу гаргаж толгойд тулгаж, дарамталсан гэх дуудлага, мэдээлэл бүртгэгджээ. Цагдаагийн байгууллагаас энэ мэдээллийг шалгахад, өмнө нь архидан согтуурч найман удаа зөрчил гаргаж байсан, 54 настай, эрэгтэй, М гэгч нь үрлэн сумтай, тоглоомон буугаар бусдыг айлган сүрдүүлж, танхайрсан болохыг олж тогтоожээ.