Террористуудын халдлага Оросын гадаад бодлогыг өөрчлөхгүй гэв

Хуучирсан мэдээ: 2024.03.24-нд нийтлэгдсэн

LiveТеррористуудын халдлага Оросын гадаад бодлогыг өөрчлөхгүй гэв

Террористуудын халдлага Оросын гадаад бодлогыг өөрчлөхгүй гэв

ОХУ-ын нийслэл Москва хотноо орших "Крокус сити" концертын танхимд Баасан гаригт зэвсэгт этгээдүүд гал нээснээр олон хүн нас барж, шархдаад байна.

14 : 11
2024-3-24

Террористуудын халдлага Оросын гадаад бодлогыг өөрчлөхгүй гэв

Террористуудын халдлага Оросын хандах зүг, гадаад бодлогыг өөрчлөхгүй гэж АНУ-д суугаа Элчин сайд Анатолий Антонов хэлжээ. 

"Оросын гадаад бодлого, ерөнхийлөгч Владимир Путины хандлагад ямар ч өөрчлөлт гарахгүй. Ялангуяа сонгуулийн дараа. Крокус сити концертын танхимд болсон шиг террорист ажиллагаанууд бидний шугам, чиглэлийг өөрчлөхгүй. Бид ажлаа үргэлжлүүлнэ. Барууныхан эрлийз дайныг сонгосон. Тэд Украины тусламжтайгаар Орост цохилт өгөх замыг сонгосон бол өөрсдийнх нь л сонголт. Тэдний Украинд нийлүүлж буй бүх зүйлийг бид устгана" гэж тэр хэлжээ. 

Эх сурвалж: TASS

12 : 25
2024-3-24

"Бүрж Халифа" Оросын далбааны өнгөөр гэрэлтэв

"Крокус сити"-ийн халдлагаар амиа үрэгдсэн хүмүүсийн дурсгалыг хүндэтгэж Дубай дахь "Бүрж Халифа" барилгыг Оросын далбааны өнгөөр гэрэлтүүлжээ. Мөн барилгын нүүрэн хэсэгт араб, англи хоёр хэлээр "Арабын нэгдсэн Эмират улс Оросыг дэмжинэ" гэсэн бичиг гарчээ. Энэ санаачлагыг Дубайн эрх баригчид болон "Emaar" хөгжүүлэлтийн компани гаргасан бөгөөд хэдэн минутын турш гэрлийг асаасан байна. 

"Бүрж Халифа"-аас гадна өөр хэд хэдэн барилга Оросын далбааны өнгөөр гэрэлтжээ. Үүнд "Халифа их сургууль"-ийн барилгууд, "ADNOC" газрын тосны компани, "ADNEC" үзэсгэлэнгийн компани гэх мэт багтана. 

Эх сурвалж: TASS

11 : 24
2024-3-24

Халдлага үйлдэгчид 5400 долларын шан харамж амлажээ

"Крокус сити" концертын танхим руу халдсан дөрвөн этгээдийг баривчилсан тухай өмнө нь мэдээлсэн. Тэгвэл сэжигтэй этгээдүүдийн нэг нь мэдүүлэг өгөхдөө халдлагын төлөө 500 мянган рубль буюу 5400 ам.долларын шан харамж авах болсон гэжээ. Тал мөнгө нь түүний дансанд хэдийнэ орсон бөгөөд удахгүй талыг нь шилжүүлнэ гэж түүнд амласан аж. Мөн хүчний байгууллагынхнаас зугтах гэж оролдох үедээ банкны картаа хаячихсан гэж мэдүүлжээ. 

Дашрамд дурдахад, ОХУ-ын Эрүүл мэндийн сайдын мэдээлснээр, халдлагын улмаас гэмтэж бэртсэн хүмүүсийн тоо 147 хүрсэн байна.

 

Эх сурвалж: TASS

09 : 10
2024-3-24

"Крокус сити"-ийн халдлагаар нас барагсдын тоо 133 хүрэв

ОХУ-ын нийслэл Москва хотноо орших "Крокус сити" концертын танхимд Баасан гаригт зэвсэгт этгээдүүд гал нээснээр олон хүн нас барж, шархдаад байна. "BBC" агентлаг гуравдугаар сарын 23-ны 22:55 цагт мэдээлснээр нас барагсдын тоо 133 хүрчээ. Ерөнхийлөгч Путин гуравдугаар сарын 24-ний Ням гаригийг гашуудлын өдөр болгон зарлаад байна.

Халдлагатай холбоо хамааралгүй гэдгээ Украины албаныхан эрс шийдэмгий мэдэгдэж буй. Тухайлбал, Украины Гадаад хэргийн яам, Ерөнхийлөгчийн зөвлөх, Цэргийн тагнуулын агентлаг бүгдээрээ "Украин халдлагад оролцоогүй, Оростой хийх дайн тулааны талбарт л шийдэгдэнэ" гэж мэдэгджээ. Украины эсрэг түрэмгийллээ улам даамжруулахын тулд ОХУ энэ халдлагыг ашиглах вий гэж тэд эмээж байна.

Харин ОХУ-ын албаныхан халдлага үйлдэгч дөрвөн этгээдийг Украин явах замд нь баривчилсан гэж мэдэгдсэн юм.

Халдлагын хариуцлагыг “Исламын улс” бүлэглэл хүлээсэн. Түүнчлэн АНУ-ын Элчин сайдын яам хоёр долоо хоногийн өмнө Москвад байх иргэддээ олон нийтийн цуглаанаас хол байхыг сэрэмжлүүлж байжээ.  Элчин сайдын яам "Хэт даврагчид Москвад болох олон нийтийн цуглааныг онилж байна" гэж тухайн үед мэдэгдсэн.

Энэ талаар НҮБ-ын ерөнхий нарийн бичгийн Антонио Гутерриш мэдэгдэл хийхдээ "Исламын улс бүлэглэлээс бидэнд маш ноцтой аюул заналхийлж байна. Бид Москвад болсон халдлагыг эрс буруушааж, тэвчихийн аргагүй гэж үзэж байна. Тэднийг дэлхийн өөр хаана ч дахин цохилт өгүүлэхгүйн тулд бүх улс хамтран ажиллахыг уриалж байна" гэжээ. Тэрбээр Египетэд айлчилж яваа билээ.

ОХУ-ын томоохон сувгуудын нэг "NTV" телевиз халдлагад Украиныг буруутгахын тулд Киевийн Аюулгүй байдлын дээд албан тушаалтан Олексий Даниловын "AI" бичлэгийг ашигласан хуурамч дүрс бичлэгийг цацжээ. Тэрхүү бичлэгт Олексий Данилов

"Өнөөдөр Москвад хөгжилтэй байна. Үнэхээр хөгжилтэй байгаа гэж би бодож байна. Тэдэнд зориулж илүү олон удаа ийм зугаатай зүйл зохион байгуулна гэдэгт итгээрэй" гэж хэлж байв.

Гэсэн хэдий ч "BBC Verify" энэхүү дүрс нь сүүлийн долоо хоногт нийтлэгдсэн хоёр ярилцлагын нийлбэр болохыг тогтоожээ. Эдгээр ярилцлагыг "YouTube"-ээс үзэх боломжтой бөгөөд гуравдугаар сарын 16, 19-ний ярилцлагууд аж. Даниловын дуу хоолойг хиймэл оюун ухааны технологийг ашиглан бүтээсэн байх магадлалтай гэж шинжээчид хэлэв.

Эх сурвалж: BBC

Энэ мэдээнд өгөх таны сэтгэгдэл?
15
ХарамсалтайХарамсалтай
3
ХахаХаха
2
ЗөвЗөв
1
БурууБуруу
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж