МАН-ын бага хурал хаалттай үргэлжилж байна. Тус хуралдаанаар 2024 оны УИХ-ын ээлжит сонгуульд оролцох тухай,  МАН-аас нэр дэвшүүлэх мөрийн хөтөлбөр батлах, сонгуульд нэр дэвшүүлэх, санал хураах, дүн гаргах журам батлах болон бусад асуудлыг хэлэлцэхээр товложээ. Өөрөөр хэлбэл, МАН 2024 оны УИХ-ын сонгуульд тойрогт ямар хүнийг нэр дэвшүүлэх, намын жагсаалтад ямар хүмүүсийг багтаах зэрэг шалгуур, журмыг Бага хурлаараа батлахаар товлосон. Тэгвэл УИХ-ын гишүүн Н.Наранбаатар бага хуралд оролцохоор ирэх үедээ "УИх-ын сонгуулийн мөрийн хөтөлбөрт говийн бүс нутагтай холбоотой  тусгуулах саналуудаа  хүргүүлсэн. Говийн бүсийн дөрвөн аймагт хэлэлцүүлэг хийж, гарсан саналуудыг нэгтгэн хүргүүлсэн. Говийн бүсийн хамгийн тулгамдсан асуудал бол усны асуудал. Тиймээс энэ чиглэлд ихээхэн анхаарч байна.

Миний хувьд МАН-ын удирдлагууд болон гишүүдийн хэлж байгаачлан өнгөрсөн хугацаанд авлига албан тушаалын хэргээр мээ нэр зүүсэн, хууль шүүхийн байгууллагаас ял сонссон хүмүүсийг нэр дэвшүүлэхгүй байх нь зүйтэй гэдэгтэй санал нэг байна" гэдэг байр суурийг илэрхийллээ.

Түүний хувьд нүүрсний хэрэгт нэр холбогдож шүүхээс яллагдагчаар татагдан шалгуулж байгаа юм. Өнгөрсөн хугацаанд хууль шүүхийн байгууллагаас гурван удаа дуудаж тайлбар мэдүүлэг авсан бөгөөд хамгийн сүүлд оны сүүлээр очиж тайлбар мэдүүлэг өгсөн байна. Тэрбээр опоогийн байдлаар УИХ-ын 2024 оны сонгуульд нэр дэвших хүсэлтээ одоогийн байдлаар хүргүүлээгүй байгаа аж. Хэрэв УИХ-ын сонгуульд нэр дэвшигчийг бүртгэх хугацаанаас өмнө шүүхийн шийдвэр гарвал нэр дэвших эсэхээ шийднэ" гэж мэдэгдлээ.