Хойд Солонгосын нийслэл Пёньян хотноо ирэх долоо хоногт Хөлбөмбөгийн Дэлхийн аварга шалгаруулах тэмцээний урьдчилсан шатны тоглолт болно. Хойд Солонгос, Японы багууд Дэлхийн аваргад оролцох эрхийн төлөө өнөөдөр Токиод, дараа нь Пёньянд тоглох юм.

Тэгвэл энэ тэмцээнийг сонирхож Хойд Солонгос руу явахгүй байхыг Японы засгийн газар фанатуудад анхаарууллаа. Японы Гадаад хэргийн яам гуравдугаар сарын 26-нд болох тоглолтод оролцохгүй байхыг олон нийтээс хатуу шаардаж байна.

"Та бүхний мэдэж байгаачлан Хойд Солонгос улс Японд дайсагнасан байр суурьтай байгаа. Тийм учраас иргэдийг Хойд Солонгос руу зорчихыг зөвлөхгүй" гэж Гадаад хэргийн яамнаас жиргэжээ. Япон улс иргэддээ ийн зөвлөж буй ч аялж жуулчлахыг нь шууд хориглодоггүй.

Хоёр улс дипломат харилцаагүй.

Хэчнээн шүтэн бишрэгч Хойд Солонгосыг зорих нь тодорхойгүй байна. Тэдэнд юун түрүүнд Хойд Солонгосын виз шаардлагатай. Японы багийг засгийн газрын 14 албан тушаалтан мөн цөөн тооны хэвлэл мэдээллийн хэрэгсэл дагалдан явна.

Эх сурвалж: JAPAN TODAY