Азийн хамгийн аз жаргалтай улс Сингапур

Хуучирсан мэдээ: 2024.03.20-нд нийтлэгдсэн

Азийн хамгийн аз жаргалтай улс Сингапур

Азийн хамгийн аз жаргалтай улс Сингапур

Өнөөдөр дэлхийн аз жаргалын өдөр. Монгол Улс аз жаргалын үзүүлэлтээр 146 орноос 69-т эрэмбэлэгдэж байна. Дэлхийн хамгийн аз жаргалтай улсаар  Финланд, Дани, Исланд шалгарсан бол Сингапур 30-д эрэмбэлэгдсэн.

Тэгвэл Ази тивийн хамгийн аз жаргалтай улсаар Сингапур хоёр дахь жилдээ шалгарчээ. Монгол улсын хувьд Ази тивд 10 дугаар байранд орсон байна.

"Дэлхийн аз жаргалын тайлан" нь дэлхийн тэргүүлэх судлаачид,  эрдэмтдийн хамтарсан хүчин чармайлтын дүнд гардаг тайлан юм. Аз жаргалын түвшинг тодорхойлохдоо 2021-2023 он хүртэл гурван жилийн хугацаанд авсан судалгаанд үндэслэжээ. Мэргэжилтнүүд нэг хүнд ногдох ДНБ, дундаж наслалт, нийгмийн дэмжлэг, эрх чөлөө, өглөгч байдал, авлигын талаарх ойлголт зэрэг зургаан үндсэн хүчин зүйлд үндэслэн тайланг гаргадаг. Ингээд Азийн хамгийн аз жаргалтай 10 оронтой танилцана уу.

Азийн хамгийн аз жаргалтай 10 орон

  1. Сингапур
  2. Таивань
  3. Япон
  4. Өмнөд Солонгос
  5. Филиппин
  6. Вьетнам
  7. Тайланд
  8. Малайз
  9. Хятад
  10. Монгол

Дэлхийн аз жаргалын тайлангийн мэдэгдэлд дурдсанаар хүмүүсийн амьдралыг үнэлэх үнэлэмж дээр ихэвчлэн дүн шинжилгээ хийдэг ба Дэлхийн банк, Дэлхийн эрүүл мэндийн байгууллага, “Gallup World Poll” зэрэг байгууллагууд хамтран ажилдаг. “Дэлхийн аз жаргалын тайлан”-гийн хамтран зохиогч, редактор Шун Ванг “CNBC Make It”-д "Сингапур нэг хүнд ногдох ДНБ-ий хэмжээгээрээ маш сайн, хүртээмжтэй байсан нь манай мэдээллийн багц дахь хамгийн өндөр үзүүлэлт юм. Энэ нь Сингапурын засгийн газар үнэхээр цэвэрхэн, ард түмэн нь авлигын дарамтад өртдөггүй гэсэн үг " гэж магтжээ.

Нэмж дурдахад, Оксфордын их сургуулийн сайн сайхан байдлын судалгааны төвийн захирал, 2024 оны “Дэлхийн аз жаргалын тайлан”-гийн редактор Ян-Эммануэль Де Невегийн хэлснээр, Сингапур улсын иргэд эрүүл мэнд, урт наслалт, эрүүл амьдралыг бий болгох тал дээр онцгойлон анхаардаг байна. Гэсэн хэдий ч Сингапур нь нийгмийн дэмжлэг, амьдралын сонголт хийх эрх чөлөө нь хязгаарлагдмал юм.

Мьянмар, Камбож, Энэтхэг, Шри Ланка, Бангладеш зэрэг улсууд Азидаа аз жаргалын түвшингээр доогуур жагсдаг. Харин дэлхийн хамгийн олон хүн амтай Энэтхэг улс судалгаанд хамрагдсан 143 орноос 126-д орсон байна.

Эх сурвалж: CNBC

Энэ мэдээнд өгөх таны сэтгэгдэл?
6
ХахаХаха
4
ЗөвЗөв
3
ТэнэглэлТэнэглэл
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж