Монгол Улсын гавьяат тамирчин Э.Цэндбаатар Монголын боксын холбооны ерөнхийлөгч В.Ганзоригт хүсэлт гаргажээ. Хүсэлтэд Э.Цэндбаатар өнгөрсөн хугацаанд удаа дараа сахилгын шийтгэл хүлээж боксын холбооны итгэлийг алдсан бүх үйлдэлдээ харамсч уучлалт гуйсан байна. Тиймээс энэ удаа дахин уужуу сэтгэлээр хандахыг хүсчээ.

Тэрбээр, сүүлийн жилүүдэд зөвхөн боксын рингэнд тулалдаж эх орныхоо нэрийг өндөрт өргөхийг хүсдэг хүсэл минь байсан. Одоо та бүхэн сүүлийн хүсэл болох Олимпийн эрхийн тэмцээний сорилд 63,5 кг жинд сорил хийхийг минь зөвшөөрч өгнө үү гэжээ.

Монголын боксын холбоо “Парис-2024” олимпийн эрх олгох тэмцээнд баг тамирчдынхаа мэдүүлгийг хоцроосон гэх хүндхэн асуудалтай байгаа. Тэгвэл Монголын боксын холбоо удирдах зөвлөлийн хурлаа хийж, Ерөнхий нарийн бичгийн даргаар Хөдөлмөрийн баатар, гавьяат тамирчин П. Сэрдамбыг сонгожээ.