Белгород цохилтод өртөж, сургуулиуд хаагджээ

ОХУ-ын хилийн Белгород хот Бямба гаригт агаарын цохилтод өртсөнөөр сургууль, дэлгүүрүүдийг түр хаажээ. Агаарын цохилтын улмаас хоёр хүн нас барав. Белгородын захирагч Вячеслав Гладковын хэлснээр агаарын довтолгооноос хамгаалах системүүд Украины найман пуужинг унагаажээ.

Энэ үйлдлээрээ Украинчууд ерөнхийлөгчийн сонгуулийг эсэргүүцэхийг оролдож байна гэж Путин буруутгав.

Белгородын сурагчид Даваа, Мягмар гаригт хичээлдээ явахгүй. Харин худалдааны төвүүд Ням, Даваа гаригт ажиллахгүй.

Белгород муж идэвхтэй байлдааны бүс болон хувирсныг олон улсын хэвлэлүүд мэдээлж буй. Украины Батлан хамгаалахын тагнуулын хэвлэлийн төлөөлөгч Андрей Юсов ч үүнийг баталж, "Курск, Белгород мужуудад байлдааны идэвхтэй ажиллагаа явагдаж байна" гэжээ.