Багануур дүүргийн нэгдүгээр хороо ….. сургуулийн гадаа 2024 оны гуравдугаар сарын 14-ний өдөр үл таних маск зүүсэн эмэгтэй утсаар яриулаач гээд бага насны хүүхдийн гар утсыг аваад явсан байна гэх дуудлага, мэдээллийг цагдаагийн байгууллагад ирүүлжээ.
Дуудлага, мэдээллийг албаныхан шалгахад тус дүүргийн харьяат Х үйлдсэн болохыг олж тогтоон шалгалтын ажиллагаа явуулж байна. Х гэгч нь хулгай, дээрмийн гэмт хэрэгт өмнө нь дөрвөн удаагийн ял шийтгэл эдэлж байсан.
Дээрх этгээд нь сургууль дотор орж хохирогчоо урьдчилан судалсан нөхцөл байдал тогтоогдож байх тул сургуулийн удирдлагууд сургууль орчны дотор, гадна орчинд хүүхдэд учирч болзошгүй эрсдэлээс сэргийлэхийг зөвлөж байна.
Холбоотой мэдээ