Кекүшюзанбатбаяр нарын шүүх хурал өнөөдөр /2024.03.15/ нийслэлийн Хан-Уул дүүргийн эрүүгийн хэргийн анхан шатны шүүх хурлын танхимд 10.00 цагт боллоо. Шүүх хурал 2024 оны дөрөвдүгээр сарын 20-ны өдөр хүртэл хойшилжээ. Учир нь өмгөөлөгч нар нь Хөгжлийн банкны шүүх хуралдаанд оролцож байгаа гэдэг шалтгаанаар шүүх хурлыг хойшлуулсан байна.
Өмнө нь Д.Кёкшүюзанбатбаяр нарт холбогдох хэргийг Хан-Уул дүүргийн эрүүгийн хэргийн анхан шатны шүүх хэргийг хянан хэлэлцээд хэрэгсэхгүй болгож, шүүгдэгч нарыг цагаатгасан. Нийслэлийн Эрүүгийн хэргийн давж заалдах шатны шүүхээс хэргийг прокурорын эсэргүүцлийн дагуу хянаж, анхан шатны шүүхийн шийдвэрийг хүчингүй болгосон. Хан-Уул дүүргийн эрүүгийн хэргийн анхан шатны шүүхэд 2023 оны арванхоёрдугаар сарын 1-ний өдөр хурал зарлагдсан боловч хойшилж байв.
Авлигатай тэмцэх газраас 2019 онд УИХ-ын гишүүн асан Кёкүшюзан Д.Батбаяр нарыг 32 тэрбум төгрөгийн залилангийн хэрэгт холбогдуулан шалгаж эхэлсэн. Кёкүшюзан Д.Батбаяр болон Замын-Үүд чөлөөт бүсийн захирагч гэх Н.Болормаа, "Сайхан ордос туурь" ХХК-ийн захирал Б.Цэрэндорж нар нь гадны хөрөнгө оруулагчдад хэд хэдэн төсөлд хамтран ажиллах санал тавьсан байна.
Тэднийг 2009-2014 оны хооронд БНХАУ-ын хуулийн этгээд "Евроази интернэшнл инвестмент групп"-ээс тухайн төслүүдийн урьдчилгаа төлбөрт их хэмжээний мөнгө авсан ч бичгээр өгсөн амлалт, баталгаануудаас нэг нь ч хэрэгжээгүй гэж үзжээ. Иймд дээрх нэр бүхий хүмүүсийг зохион байгуулалттайгаар бусдыг залилан мэхэлж, тус компанид 32,713,190,850 төгрөгийн хохирол учруулсан эсэхийг тогтоохоор шалгасан байдаг.
3,488.01
Холбоотой мэдээ