Хойд Солонгос улс цэргийн сургуулилалтын үеэр байлдааны шинэ танкаа танилцууллаа. Энэ нь АНУ, Өмнөд Солонгосын хамтарсан цэргийн сургуулилалтад үзүүлж буй нэг төрлийн хариу үйлдэл юм.

Удирдагч Ким Жон Ун байлдааны бодит чадварыг нь шалгах зорилгоор өөрөө шинэ танкаа жолоодож үзүүлсэн байна. Тэрбээр шинэ танкийг "дэлхийн хамгийн хүчирхэг танк" гэж тодорхойлоод, гайхалтай хүч, маневр хийх чадварт нь сэтгэл хангалуун байгаагаа илэрхийлэв.

Тэд 2020 оны аравдугаар сард эрх баригч Хөдөлмөрийн намын 75 жилийн ойн парадын үеэр шинэ танк үзүүлж байсан. Мэргэжилтнүүдийн үзэж буйгаар энэ удаад танилцуулсан танк нь тэр үеийн танкны шинэчилсэн хувилбар аж.

Ким Жон Ун өнгөрсөн долоо хоногт ч бас их буугаар буудах байлдааны сургуулилалтад биечлэн оролцжээ.

Эх сурвалж: YONHAP