Засгийн газрын хуралдаанаар виз олгох ажлыг цахимжуулснаар 54 төрлийн визийг цахимаар олгохоор журамд өөрчлөлт оруулжээ. Монгол Улсад албан, хувийн хэргээр түр болон оршин суух зорилгоор гадаадын иргэн, харьяалалгүй хүнд виз олгодог бөгөөд цахимаар виз олгосноор гадаадын иргэдэд хүндрэл багатай, цаг хэмнэх боломж бүрдэж байгаа юм.
Тодруулбал, “Журам шинэчлэн батлах тухай” Засгийн газрын 2021 оны 192 дугаар тогтоолын хавсралтаар баталсан Монгол Улсын виз олгох журамд өөрчлөлт оруулж байгаа юм. Ингэснээр Монгол Улсад албан, хувийн хэргээр түр болон оршин суух зорилгоор ирэх гадаадын иргэн, харьяалалгүй хүнд виз олгох нөхцөлийг хөнгөвчлөх, өнөөгийн үзүүлж буй үйлчилгээг илүү түргэн шуурхай хүргэх зорилгоор цахимаар олгох визийн төрлийг нэмэгдүүлэх арга хэмжээг авч хэрэгжүүлснээр Гадаадын иргэн, харьяатын газраас 54 төрлийн визийг цахимаар олгох боломж бүрдэх юм.