Токиод төвтэй "Space One" старт-ап компанийн жижиг пуужин хөөрснийхөө дараахан, тойрог замд орохоосоо өмнө дэлбэрчээ. "Каирос" пуужинг Мягмар гаригийн 11:01 цагт хөөргөсөн бөгөөд хэдхэн секундын дараа дэлбэрч, гал гарч байсныг олон нийтийн хэрэгслээр дамжуулсан. Тус пуужин 18 метрийн өндөртэй, дөрвөн үе шаттай хатуу түлшээр ажилдаг. Ус шүршигч ашиглан шатаж буй пуужингийн хэсгүүдийг унтраасан ба хог хаягдал нь ойр орчмын уулын энгэр дээр унаж буй бичлэг олон нийтийн сүлжээнд ил болжээ.

Японы баруун хэсэгт орших Кий хойгоос хөөргөсөний дараа нислэг тасалдсан бөгөөд нөхцөл байдлыг судалж байгаа гэж "Space One" мэдэгдэв. Дэлбэрэлт юунаас болсон, техникийн гэмтэл гарсан эсэх тодорхой мэдээлэл өгөөгүй байна. "Space One"-ийн мэдээлснээр хөөргөх явц өндөр автоматжуулсан ба газрын удирдлагын төвд ердөө арав орчим ажилтан шаардлагатай байжээ.

"Кайрос" пуужин  нь дотороо үндсэн хиймэл дагуулыг орлох чадвартай туршилтын хиймэл дагуулыг агуулж байсан ба 51 минутын дотор тойрог замд орох ёстой байсан.

Эх сурвалж: NHK Japan