АНУ-ын засгийн газар Украин руу 300 сая ам.долларын үнэ бүхий бууны сум, буу, зенитийн пуужин зэрэг тусламжийн багц илгээхээр болсон. Энэхүү гэнэтийн мэдэгдэл нь Украинд нэмэлт тусламж илгээх хуулийн төсөлтэй холбоотой аж. Сүүлийн гурван сарын хугацаанд АНУ-аас Украинд хандив илгээгээгүй байсан.

Үндэсний аюулгүй байдлын зөвлөх Жейк Салливан хэлэхдээ,  "Тусламж нь Украины тулалдааны талбар дахь хэрэгцээг хангахад хүрэлцэхгүй. Энэ сум Украиныг зэвсгийн нөөцгүй болохоос сэргийлж чадахгүй" гэжээ.

Цагаан ордон хэдэн сарын турш Конгресст хандаж, Украин, Израиль, Тайваньд тусламж илгээх төсвийг батлахыг хүссэн юм. Түүнчлэн 60 тэрбум ам.долларын тусламжийн тухай хуулийн төслийг Сенат аль хэдийнэ баталсан ч Төлөөлөгчдийн танхимд санал хураалт явуулах хараахан болоогүй байна. Төлөөлөгчдийн танхимын дарга Майк Жонсон одоог хүртэл Сенатын хуулийн төслийг хэлэлцэхээс татгалзсан байна. Дональд Трампын холбоотон Жонсон хэлэхдээ, "Конгресс АНУ-ын цагаачлалын тогтолцоог шинэчилсэн төсвийг баталсны дараа л тусламжийн тухай хуулийн төсөлд санал хураалт явуулна" гэж мэдэгджээ.

Танхим дахь хоёр намын бүлэг хууль тогтоогчид 2015 оноос хойш амжилттай хэрэгжээгүй ховор процедурын тактикийг ашиглан Сенатын хуулийн төсөлд санал хураалт явуулахыг оролдсон урт хугацааны өргөдөл гаргажээ.

Эх сурвалж: BBC