Үндэсний статистикийн хорооноос гаргасан мэдээгээр 2024 оны хоёрдугаар сарын байдлаар Улаанбаатар хотод орон сууцны үнэ өмнөх оны мөн үеэс 11.0 хувиар, өмнөх сараас 1.8 хувиар өсчээ.

Шинэ орон сууцны 1 метр квадрат талбайн дундаж үнэ 3.99 сая төгрөг бол хуучин орон сууцны 1 метр квадрат талбайн дундаж үнэ 3.78 сая төгрөг юм байна.

Дүүргээр нь авч үзвэл Сүхбаатар дүүрэгт шинэ орон сууцны 1 метр квадрат талбайн үнэ хамгийн өндөр буюу 4.28 сая төгрөг бол Хан-Уул дүүрэгт 4,25 сая, Чингэлтэй дүүрэгт 3,84 сая, Баянзүрх дүүрэгт 3,56 сая, Баянгол дүүрэгт 3,55 сая, Сонгинохайрхан дүүрэгт 2,65 сая төгрөг байна.

Дэлгэрэнгүй мэдээллийг https://1212.mn/mn/dissemination/72719308 холбоосоор авах боломжтой.

Г.ХОРОЛ