“Монголын боловсролын системийн хоцрогдол амлалт болон хийх ажил” сэдвээр боловсрол судлаач М.Төртогтох өнөөдөр /2024.03.07/ Үндэсний мэдээллийн төвд мэдээлэл хийлээ.

Тэрбээр “Монгол Улсад ерөнхий боловсролын 871 сургууль үйл ажиллагаа эрхэлж, 771.000 сурагч боловсролын үйлчилгээ авч байна. Эдгээр сургуулийн 498 нь Улаанбаатар хотод,  373 сургууль нь орон нутагт байна. Үүнээс улсын сургууль 80 хувийг эзэлж байна.

Улсын сургуульд сурдаг сурагч багшийн зааж байгаа хичээлийг бүрэн дүүрэн ойлгохгүй байна. Нэг багш 40, 50, 60 хүүхэдтэй ангид ороод хичээлийнхээ хөтөлбөрийг заахад 15-20 хувь нь агуулгыг нь ойлгодог. Монголд өнөөдөр 1500 хүүхдийн багтаамжтай сургуульд 4500 хүүхэд суралцдаг. Энэ нь байж болох хэмжээнээс хэтэрсэн хэрэг.  Суралцагчийн тоо хэрээс хэтэрснээс нэг багш тухайн хүүхдүүдэд хүрч ажиллахад бэрх, мөн тухайн багш заах ёстой хичээлээ багтааж зааж чадахгүй байгаа.

Сургууль нэн шаардлагатай газар сургууль барьдагүй, газрыг нь зараад идчихсэн ч гэдэг юм уу, төсвийг тарамдуулсан үйл ажиллагаа явж байна.

Гурван ээлжээр хичэээллэж байгаа сургуульд 40-45 минут завсарлах боломжгүй. Сургуулиуд хоёроос гурван ээлжээр хичээллэдгээс сурагчид сургуульд сурах сонирхолгүй. Хичээлээ тараад сурах, хөгжих ямар ч боломжгүй. Гадаад оронд ерөнхий боловсролын сургуулийн сурагчид нь өдрийн 12.00, 13.00 цаг  гэж хичээлээ тараад 17.00 цаг хүртэл хичээлээс гадуурх үйл ажиллагаанд хамрагдаад хөгжиж байна.

Энэ нь хичээлийн хоцрогдол, боловсролын тэгш бус хандлагыг хавтгайруулж байна. Боловсролын яам одоогийн байгаа төсвөө хоёроос гурав дахин нэмж төсөвлөж байж, боловсролын хөрөнгө оруулалт нүдээ олно. Ахлах ангийн хичээлийн хөтөлбөрийг тусад нь боловсруулах, хичээлийг нь багасгах, багш нарын ачааллыг багасгах,  бичиг цаас нухахаас илүүтэйгээр сурагчтайгаа ажиллах боломжийг олгох хэрэгтэй” гэсэн юм.

Э.ДАРИЙМАА