Баянзүрх дүүргийн нутаг дэвсгэр Буянгийн зам дагуу явган хүний замыг хуулж, ил гал гаргаж байгаа талаар иргэд цахим хуудаст бичжээ. Улаанбаатар цахилгаан түгээх сүлжээ ТӨХК-аас өгсөн мэдээллээр кабелийн утас шилжүүлэх ажил хийж байгаа гэв.

Тодруулбал, Сэлбэ голын голдиролд орсон Буян компанийн зам дагуу барилгын цахилгааны кабелийг шилжүүлэх ажлыг өчигдрөөс хийж эхэлсэн байна. ”S’Outlet” дэлгүүрийн хажуугаар хийгдсэн цахилгааны шугамын кабелийг холдуулахаар тус ажлыг хийж байгаа аж.

Хөрсний ус нь гүн хөлдүү болохоор гал түлж газрыг гэсгээхээс өөр аргагүй бөгөөд 7-10 хоногт кабелийг шилжүүлэх ажил хийх юм байна.

Явган хүний замаас өөр трасс байхгүй учир энэ долоо хоногт кабель шилжүүлэх ажлыг дуусгахаар төлөвлөжээ.