“V-Dem” институти 1789 оноос эхлэн жил бүр олон нийтэд нээлттэй, үнэ төлбөргүйгээр дэлхийн улс орнуудын ардчиллын индексийг гаргадаг. Тус институтийн мэдээллийг улс төр судлаачид түгээмэл ашигладаг аж.

Монгол Улсын хувьд өнгөрсөн онд 0.43 оноо авч 77 дугаар байранд оржээ. Энэ нь өмнөх оноосоо 16 байраар ухарсан явдал байв.

Тэгвэл энэ онд Монгол Улс дахин дөрвөн байраар ухарч, 81 дүгээр байранд оржээ.

Аливаа улс орны ардчиллын индексийг олон намын тогтолцоо, чөлөөт шударга сонгууль, хуулиа дээдэлдэг ил тод нээлттэй төр, эрх мэдлийг тайван замаар шилжүүлэхийг эрмэлздэг чанар, засгийн газрын хяналт, нөлөөллөөс ангид бие даасан хэвлэл мэдээллийн хэрэгсэл, олонх, цөөнх байхаас үл хамааран иргэн бүрийн эрх чөлөөг хамгаалдаг эсэхэд тулгуурлан гаргадаг юм.

Дашрамд сонирхуулахад, Монгол Улсын авлигын индекс ч мөн ухарсан. Тодруулбал,  Монгол Улс авлиганы индексээр 2023 онд 180 улсаас 121-т жагсаж, өмнөх 2022 оныхоос таван байраар ухарчээ.