АНУ-ын прокурорууд “Alaska Airlines” компанийн “Boeing 737 MAX” онгоц нисч явахдаа дэлбэрч, зорчигч талын хэсэг салсан хэрэгт эрүүгийн хэрэг үүсгэн шалгаж эхэлсэн тухай тус улсын  хэвлэлүүд мэдээлжээ. Осол гарсан өдөр буюу нэгдүгээр сарын 5-нд онгоцны их биед гэнэтийн дэлбэрэлт гарч, ослын буулт хийхэд хүрснийг Хууль зүйн яамнаас нь (DOJ) мөрдөн шалгалт хийсэн.“Alaska Airlines” эрх баригчидтай хамтран ажиллаж байгаагаа мэдэгдсэн бөгөөд  “Энэ тохиолдолд “DOJ” -аас мөрдөн байцаалт явуулах нь хэвийн үзэгдэл. Бид тэдний мөрдөн шалгалтад бүх талаараа туслаж дэмжиж байна. Мөн мөрдөн байцаалтын явцад буруутан болно гэж бодохгүй байна" гэж “Aljazeera” агентлагт мэдээлжээ. “Boeing” үйлдвэрлэгч компани ямарваа нэгэн мэдэгдэл хийгээгүй байна.

Өмнө нь 2018, 2019 онд “Boeing 737 MAX”  онгоцтой холбоотой хоёр хүний ​​амь нас хохирсон хэрэг болон хэд хэдэн удаа том, бга осол гарсан. АНУ-ын Хууль зүйн яамнаас тус компанийн аюулгүй байдлын бүртгэлийг шалгаж,  мөрдөн байцаалт явуулах шийдвэр гарсан.  “Wall Street”  сэтгүүлд мэдээлснээр “DOJ”- ын шалгалт нь “Boeing” компани ослын буруутан болох эсвэл 2,5 тэрбум доллар төлөх эсэхийг шийднэ. Үүнээс гадна тус нисэх онгоц үйлдвэрлэгч компани эд анги, хадгалалт, бүтээгдэхүүн хяналт, үйлдвэрлэлтийн явцдаа хайнга хандаж, зөрчил гаргасан талаар Холбооны нисэхийн захиргаа (FAA) илрүүлжээ.  Өнгөрсөн сард “FAA”-ээс  “Boeing” компанийн аюулгүй  байдлын хэсэг алдаа дутагдалтай байгааг анзаарч бүх онгоцны чанар,  ажилчдын хариу арга хэмжээ авах чадвар нь эргэлзээтэй талаар онцолсон. Тиймээс тус компанид асуудлыг шийдвэрлэх 90 хоногийн хугацаа өгчээ.

Эх сурвалж: Aljazeera