Дэлбэрэлтийн дүгнэлт ирэх Баасан гаригт гарна

Хуучирсан мэдээ: 2024.03.10-нд нийтлэгдсэн

Дэлбэрэлтийн дүгнэлт ирэх Баасан гаригт гарна

Дэлбэрэлтийн дүгнэлт ирэх Баасан гаригт гарна

Баянзүрх дүүргийн 26 дугаар хорооны нутаг дэвсгэрт өнгөрсөн сарын 24-ний 01:00 цагийн орчимд гарсан газын дэлбэрэлтийн улмаас таван хүн нас барж, 10 гаруй хүн түлэгдэж, 100 орчим айл эд хөрөнгөөрөө хохироод буй. Тэгвэл тус ослын нэгдсэн дүгнэлт энэ сарын 15-ны дотор гарах юм.

Ослын шалтгаан нөхцлийг тодруулахаар цагдаа, прокурор ажиллаж байгаа бол хохирлын үнэлгээг гаргахаар тусгай баг ажиллаж байгаа аж.

Ингэхдээ одоогийн байдлаар нийт найман төрлийн үзлэг, хэмжилтийг хийжээ. Тухайлбал, галд Дүнжингаравын уулзварт байрлах таван обьект өртсөн. Эдгээрийн нарийвчлалтай дүгнэлт ирэх сарын 1-нд гарах юм байна. Мөн нийт хохирлын хэмжээ, сэргээн засварлах зардлыг Барилга хөгжлийн төвөөс гаргана гэв.

Харин нэгдсэн дүгнэлтийг гуравдугаар сарын 15-ны дотор гаргаж танилцуулахыг албаныхан мэдэгдсэн.

Гэхдээ хэрэг мөрдөн шалгах шатанд явж байгаа учир хохирлын хэмжээ гарсан ч хэн нэгнээр төлүүлэх, албадан барагдуулах шийдвэр гарахгүйг мөн албаныхан онцоллоо.

Эргэн сануулахад, тус ослын газрын үзлэгийг 189 мөрдөгчийн бүрэлдэхүүнтэй зохион байгуулсан. Ослын нөхцөл байдлыг шинжээчдийн бүрэлдэхүүн тогтооно. Дүгнэлт 14-60 хоногт гарна гэдгийг Цагдаагийн ерөнхий газраас мэдээлсэн. Ослын улмаас учирсан хохирол, түүнийг засварлах зардлын хэмжээний нэгдсэн дүгнэлт ирэх Баасан гаригт гарах юм байна.

Энэ мэдээнд өгөх таны сэтгэгдэл?
2
ТэнэглэлТэнэглэл
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж