Швед улс албан ёсоор НАТО-ийн 32 дахь гишүүнээр элсч, дэлхийн хоёрдугаар дайны дараах олон арван жилийн төвийг сахисан байдлаа хадгалахыг хүссэнгүй. АНУ-ын ерөнхийлөгч Жо Байден Швед улсыг эвсэлд нэгдсэнд баяр хүргэн ОХУ-ын ерөнхийлөгч Владимир Путинг Украин руу түрэмгийлэн довтолсон нь эвслийг хагалан бутаргах бус илүү нэгтгэж байгааг онцолжээ. 

Байден "Путин Украины ард түмний эсрэг харгис хэрцгий түрэмгийллийн дайнаа эхлүүлэхдээ Европыг сулруулж, НАТО-г хагаралдуулж чадна гэж бодсон. 2022 оны тавдугаар сард манай ойрын түнш Швед, Финланд гэх хоёр өндөр чадвартай, армитай улс НАТО-д бүрэн гишүүнээр элсэх хүсэлт гаргах түүхэн шийдвэр гаргасан. Өнөөдөр Швед улсыг нэмснээр НАТО урьд өмнөхөөсөө илүү эв нэгдэлтэй, шийдэмгий, эрч хүчтэй болж, 32 улс болон хүчирхэгжиж байна" гэж өчигдөр/2024.03.07 Конгресст хэлсэн үгэндээ дурджээ. 

Шведийн Ерөнхий сайд Ульф Кристерссон, Төрийн нарийн бичгийн дарга Антони Блинкен нар АНУ-д хүрэлцэн ирж, тус холбоонд Швед улсыг нэгдэх тухай баримт бичгийг Төрийн департаментад албан ёсоор хүлээлгэн өгөх ёслолд оролцжээ.