Олон улсын эмэгтэйчүүдийн эрхийг хамгаалах өдөр буюу Мартын 8 бол эмэгтэйчүүдэд талархлаа илэрхийлж хайрыг мэдрүүлж, амьдралын нэгэн онцгой өдрийг бүтээхэд хамгийн тохирсон өдөр билээ. Тиймээс бид энэ өдрөөр ээж, эмээ, эгч, найз бүсгүйгээ баярлуулахад тань тухлах “Онцгой шипи”-г хүргэе   

Өмнөх шипиндээ бид баярын ширээний амтат хоолоо бэлтгэх талаар мэдээллийг хүргэсэн бол энэ удаад хайртай хүндээ бэлэглэх хамгийн нандин бэлэгний санааг хүргэж байна.  

1. Сэтгэлийн үгтэй мэндчилгээ  

Чин сэтгэлээ нээж ярилцаагүй удсан бол өөрийн сэтгэлийн үгээ шууд хэлчих гэхээр нэг л болж өгөхгүй байвал өөрийн гараар чин сэтгэлийн захидал бичиж яагаад болохгүй гэж.
Хэзээ ч мартагдахгүйгээс гадна ямар ч үед гаргаж ирээд дахин уншиж, тухайн өдрийг санагдуулж, баяр баясал бэлэглэх зүйл бол захидал болон сэтгэлийн үгтэй мэндчилгээ байдаг.  

2, Бэлгийн карт 

Энэ бол хамгийн сонгодог бэлэгний нэг байх.  

Хайртай ээждээ, найз бүсгүйдээ яг юу хэрэгтэй байгааг эсвэл яг аль загвар нь таалагдаж байгааг мэдэхгүй эргэлзээд, дуу хөгжимд сонирхолтой түүндээ чихэвч эсвэл микрофон авч өгье гэж бодтол ямар төрлийн аль загвар нь хэрэгтэй байгааг мэдэхгүй байвал “Бэлгийн карт” хамгийн зөв сонголт байх болно.  

3, Тоглолтын тасалбар 

Найз бүсгүй, ээжтэйгээ хамтдаа хэзээ ч мартагдахааргүй цагийг өнгөрөөх бас нэг санаа бол хамтдаа үзвэр үзэх.
Үзвэр үзэнгээ нэгэн гайхалтай үдшийг өнгөрөөж, чин сэтгэлээсээ бие биенээ сонсон ярилцаж суух нь хамгийн гоё дурсамжуудын нэг болон үлдэнэ.  

4, Гэрийн ажлаас чөлөөлье 

Техник технологи өндөр хөгжсөн энэ эрин үед гэрийн ажил хийх гэдэг цахилгаан хэрэгслийн хийдэг зүйл байж яагаад болохгүй гэж. Тэгвэл аяга таваг угаагч, робот тоос сорогч гэх мэт бүтээгдэхүүнээр өөрийнхөө болоод гэрийнхнийхээ  өөртөө зарцуулах цаг завыг нь илүү гаргаж өгцгөөе.  

5. Номын баглаа

Хэрвээ таны хайртай бүсгүй ном унших дуртай бол түүнд тохирох хамгийн төгс бэлэг бол ном байх болно. Номонд дуртай хүмүүс өөрт ном бэлэглэхэд ихээхэн дуртай байдаг ба шинэ гарсан эсвэл “Bestseller” номуудаас өгвөл бүр их таалагдах болно шүү. Анхаарууштай нэг зүйл сануулахад, уншсан номуудыг нь сайн судлаарай. Амжилт