Небараска мужийн 63 настай хурандаа асан гадаадын болзооны сайт дээр АНУ-ын нууц мэдээллүүдийг задруулсан хэргээр баривчлагдан, шалгагдаж байна. Дэвид Франклин Слэйтер нь АНУ-ын цөмийн пуужингийн арсеналыг хянадаг Стратегийн команд “Stratcom”- д 2022 он хүртэл ажиллаж байсан.

Тэрбээр өнгөрсөн долоо хоногийн Бямба гаригт баривчлагджээ.

Түүний шүүх хурал ирэх долоо хоногийн Мягмар гаригт болно. Олон улсын бүсгүйчүүдтэй харьцдаг сайт дээр Дэвид Слэйтер нэгэн украин бүсгүйтэй танилцаж дотноссон байна. Тэрбээр алба хашиж байхдаа цуглуулсан Украины түрэмгийлэлтэй холбоотой нууц бичиг баримтыг тус цахим болздог хүүхэндээ өгснөөр хэд хэдэн хуулийн заалтыг зөрчиж, олон жилийн хорих ял авч магадгүй болжээ. Бичиг баримт нь буруу гарт орвол АНУ-ын аюулгүй байдалд заналхийлэх боломжтой ба тус украин эмэгтэй Дэвид Слэйтерийг “миний тусгай ажилтан” гэж хочилдог байжээ.

Эх сурвалж: BBC