Украины Одесса хотод Бямба гаригт  шилжих шөнө дайралт болсноор нийт долоон хүн амь үрэгдсэний хоёр нь нялх балчир үеийн хүүхдүүд байжээ. Оросын тал дрон ашиглаж хотын оршин суугчтай барилгуудыг бөмбөгдсөн бөгөөд амь үрэгдсэн хүмүүсээс гадна найман том хүн, дөрвөн хүүхдийг нуранги доороос эрэн хайж байна. Амь үрэгдсэн хоёр хүүхдийн нэг нь ой хүрээгүй ба ээжтэйгээ дэлбэрэлт болох үеэр унтаж байсан. Харин нөгөө хүүхэд нь хоёр настай бөгөөд Ням гаригт  гурван насны төрсөн өдөр нь болох байжээ.

Украины Ерөнхий прокурор Андрей Костин Одесса хотын ойр хавьд хамгаалалтын цэргийн бааз байхгүйг дурдаж, Орос санаатайгаар энгийн иргэдийг онилсон гэж буруутгаж байна. Ерөнхийлөгч Зеленский агаарын довтолгооноос хамгаалах системээ сайжруулах шаардлагатай байгааг онцолж, Одесса хотын 18 барилга сүйрсэн гэдгийг мэдэгдэв. Мөн Украинд дэмжлэг үзүүлэх Байдены 60 сая долларын хандивын санаачлагчийг АНУ-ын парламент зөвшөөрөхгүй бол хүний амь нас эрстсээр байх болно гэв. АНУ-ын хувьд санхүүгийн уналттай байгаа үед нэмэлт санхүүжилт олгохоос эмээж байна. Тус улсын Бүгд Найрамдах намын удирдлагууд Байдены санаачилгыг шийдэх санал асуулга явуулах бодолгүй байгаа бололтой. Энэ хооронд Пентагон Украины нөхцөл байдалд туслах санхүүжилтийг засгийн газраас бус өөрсдийн төсвөөс гаргах талаар ярилцаж байна.  Одесса хотын захиргаа Ням гаригийг гашуудлын өдөр болгож зарлав.

Эх сурвалж: CNN