Жо Байден ерөнхийлөгчөөр ажиллаж байх хугацаандаа ажил үүргээ сайн гүйцэтгэсэн эсэх судалгаа Бямба гаригт нийтлэгдэв. Уг судалгаанд оролцогчдын 47 хувь нь Жо Байденг ажлаа төдийлөн сайн хийгээгүй, дахин сонгогдохыг нь хүлээн зөвшөөрөхгүй гэсэн санал өгсөн ба дөнгөж 24 хувь нь түүнийг албаа сайн хашсан гэв . Нийт 47 хувийн саналын тал хувийг " давхар үзэн ядагчид" буюу Трампд дургүй хүмүүс эзэлсэн."The NewYork Times” сонины захиалгаар "The Siena College"-ын явуулсан судалгаа дээр үндэслэн Байденыг сонгогчдын тоо Трампын дэмжигчдээс 43-48 хувь бага байгаа нь түүнийг энэ удаагийн сонгуульд ялахгүй байж магадгүй гэх таамгийг дэвшүүлээд байна. Нийт хүн амын гуравны хоёр хувь нь АНУ-ын засгийн газар буруу замаар явж байна гэж үзсэн ба 63 хувь нь Трампд саналаа өгнө гэв. Байден дахин сонгуулийн кампанит ажлаараа Ардчилсан намаас нэр дэвшигчийн нас, сэтгэхүйн байдал, гадаад бодлого, эдийн засгийн талаарх сонгогчдын санаа бодлыг өөрчилж, өөрийн талд эргүүлэх гэсэн боловч дийлэнх нь эдийн засаг хүнд байгаа тул дахин эрсдэлтэй алхам хийхгүй гэж үзлээ. Энэхүү судалгаа нь сонгогчдын Жо Байденд сэтгэл дундуур байгаагийн хамгийн сүүлийн үеийн нотолгоо юм.
Өнгөрсөн долоо хоногт “Bloomberg News” агентлагийн явуулсан санал асуулгаар Байден Аризона, Жоржиа, Пенсильвани, Мичиган, Хойд Каролина, Невада, Висконсин зэрэг хэд хэдэн чухал мужуудад Трампыг ардаа орхисон байна. Гэсэн ч “Times” сонины санал асуулгад оролцогчдын дийлэнх хувь нь Байденыг хөгширсөн, Трампыг аюултай гэж үзэн, сонгуулийн үеэр уг хоёр нэр дэвшигчдийн хэнийг нь ч сонгохгүй гэв. АНУ-ын агентлагууд тус тусдаа санал асуулга явуулсан нийлбэр дүнгээс үзвэл нийт санал өгөгчдийн 38 хувь нь Байденыг сонгосон бол 44 хувь нь Трампыг дэмжинэ гэв. Үүнээс 12 хувь нь нэр нөлөө бүхий хоёр нэр дэвшигчдийн аль алиныг нь Ерөнхийлөгч болгох хүсэлгүй байна.
Эх сурвалж: The Guardian
Холбоотой мэдээ