Архангай аймгийн Их тамир суманд өнөөдөр /2024.03.02/ 13:00 цагт 4.6 магнитудын газар хөдлөлт боллоо. Газар хөдлөлтийн чичирхийлэл Архангай аймгийн Чулуут сумын төвөөс зүүн урд зүгт 41км, Булган сумын төвөөс Баруун зүгт 52км, Баянхонгор аймгийн Галуут сумын төвөөс Хойд зүгт 59км мэдрэгдсэн байна.

Шуурхай мэдээллийн дагуу ШУА-ийн Одон орон, геофизикийн хүрээлэн ажиллаж байна.

Магнитуд гэдэг нь газар хөдлөлтийн төвд багажаар хэмжсэн үзүүлэлт бол, газрын хөрсөн дээр хүн болон барилга байгууламжид нөлөөлөх хүчийг баллаар хэмждэг. 3-4 баллын газар хөдлөлт жилд дэлхийн хэмжээнд нийт 49 мянга орчим бүртгэгддэг байна.