Засгийн газраас гаргасан урьдчилсан мэдээллээр өнгөрсөн онд Японд төрөлтийн тоо хамаагүй бага байсан гэв. Японд 2023 оны байдлаар 758,631 хүүхэд төрсөн нь хүн амын статистикийн хамгийн бага үзүүлэлт гэж Эрүүл мэндийн яамнаас мэдээлжээ.

Уг тоог 2022 оныхтой харьцуулбал 5,1 хувиар буурсан ба найман жилийн дундаж дахь хамгийн бага үзүүлэлт юм.

Дайны дараах 1947-1949 онд Японд төрөлтийн огцом өссөн. Тодруулбал, 1949 онд 2.69 сая гаруй хүүхэд мэндэлсэн нь түүхэн дээд амжилт болж байжээ. Дараа нь уг тоо буурсан ч 1971-1974 оны үеэр дахин нэмэгджээ. Сүүлд 1973 онд төрөлт 2.09 саяд хүрснээс хойш өдийг хүртэл төрөлтийн тоо буурсан.

Японы Хүн ам, нийгмийн хамгааллын судалгааны үндэсний хүрээлэн 2035 он гэхэд төрөлтийн тоо 760 мянгаас доошилно гэж тооцоолов. Үүний зэрэгцээ, урьдчилсан мэдээллээр өнгөрсөн онд Японд нас барсан хүний ​​тоо дээд шатанд хүрсэн буюу 1.59 сая гаруйд хүрсэн юм. Эрүүл мэндийн яам төрөлт буурах, залуу хүн ам цөөрч, гэрлэлтийн тоо багасах , хожуу хүүхэдтэй болох хандлагатай байгааг онцоллоо.

Өөр нэг хүчин зүйл бол цар тахлын улмаас гэрлэлтийн тоо буурсан явдал юм. Албаныхан нөхцөл байдлыг эгзэгтэй гэж тодорхойлж, холбогдох яам, агентлагуудтай хамтран ажиллаж, шаардлагатай арга хэмжээг авна гэдгээ мэдэгдлээ.

Эх сурвалж:NIPPON TIME