Бразилийн ерөнхийлөгч асан Жаир Болсонаро жил гаруйн өмнө албан тушаалаа өгснөөс хойш улс төрийн хавчлагад өртсөн гэж мэдэгджээ. Тэрбээр өөрийг нь улс төрийн эргэлт хийсэн гэх гүтгэлэгт бухимдаж буйгаа Сан-Паулу дахь дэмжигчдэдээ ярьсан байна. Болсонаро 2022 онд суудлаа тавьж өгсний дараа олон зуун иргэн бослого гаргаж, барилга байгууламжийг сүйтгэснээс болж Ерөнхийлөгч асанг буруутай гэж үзэн, цагдаа нар мөрдөн байцааж эхэлжээ.

Жаир Болсонарог дэмжигчид 2022 оны сонгуулийг санаатайгаар будилаантуулсан гэж үздэг.

Шинэ засаг захиргааг эсэргүүцэгчид Болсонарог 2026 оны Ерөнхийлөгчийн сонгуульд нэр дэвшихийг уриалж буй. Болсонаро өөрийн дэмжигчдэдээ хандан "Бразил эрх чөлөөтэй байх ёстой. Хүний эрхийг хааж болохгүй" гэжээ. Түүний дагагчид мөн " Засгийн газар биднээс эмээж байна. Тэд бидний эрх чөлөөг хязгаарлаж чадахгүй" гэж "BBC" агентлагт мэдүүлжээ.

Жаир Болсонаро хууль хүчний байгууллагын анхааралд байгаа ба түүнийг хоёрдугаар сарын эхэн үед оргон зугтаж магадгүй гэх үндэслэлээр гадаад паспортыг нь хураасан байна. Түүний гурван ойрын хамсаатан болон намын дарга нь цагдаагийн байгууллагын хяналтад байгаа аж.

Эх сурвалж:BBC