Навальныйг суллах хэлэлцээг нас барахынх нь өмнөх өдөр хийжээ

Хуучирсан мэдээ: 2024.02.27-нд нийтлэгдсэн

Навальныйг суллах хэлэлцээг нас барахынх нь өмнөх өдөр хийжээ

Навальныйг суллах хэлэлцээг нас барахынх нь өмнөх өдөр хийжээ

ОХУ-ын сөрөг хүчний улстөрч Алексей Навальный гэнэт нас барахаасаа өмнө хоригдол солилцоогоор суллагдахад ойрхон байсныг түүний холбоотон Мария Певчих мэдэгджээ. Тодруулбал, Навальный болон АНУ-ын нэр нь үл мэдэгдэх өөр хоёр иргэнийг Чеченийн тэрс үзэлтнийг хөнөөсөн хэргээр Германд бүх насаар хорих ял эдэлж буй Вадим Красиковтой солилцохоор төлөвлөж байсан.

"Алексей Навальный яг одоо, өнөөдөр энэ суудал дээр сууж болохоор байлаа. Энэ бол хоосон яриа биш. Үнэхээр тийм зүйл болохоор байсан. Тэр ойрын хэдэн өдрийн дотор суллагдах байсан. Учир нь бид түүнийг солилцох шийдвэр гаргаад байлаа. Вадим Красиковыг Навальный болон АНУ-ын хоёр иргэнээр солих саналыг Путинд хоёрдугаар сарын эхээр тавьсан" гэж Певчих хэллээ.

Навальныйтай солилцохоор төлөвлөж байсан Вадим Красиков нь 2019 онд Чечен-Гүржийн тэрс үзэлтэнг хөнөөсөн хэргээр шүүхээс ял сонссон. Германы эрх баригчдын үзэж буйгаар энэ нь Оросын тагнуулын албаны захиалгат аллага аж. АНУ-ын сэтгүүлч Такер Карлсонтой ярилцахдаа Путин түүнийг эргүүлэн авах хүсэлтэй байгаагаа илэрхийлсэн билээ.

АНУ-ын хоёр иргэний нэр тодорхойгүй. Гэхдээ Уолл Стрит сэтгүүлийн сурвалжлагч Эван Гершкович, АНУ-ын тэнгисийн цэрэг асан Пол Уилан нар байх магадлалтай.

Мария Певчих хоёрдугаар сарын 15-ны орой боломжит хэлцэл эцсийн шатандаа орсон гэж мэдэгджээ. Гэвч Навальный нэг өдрийн дараа амиа алдсан юм. Путин түүнийг эрх чөлөөтэй болохыг харж тэвчээгүй гэж Навальныйн холбоотнууд үзэж байна.

Эх сурвалж: AL JAZEERA

Энэ мэдээнд өгөх таны сэтгэгдэл?
7
ХарамсалтайХарамсалтай
4
ХахаХаха
2
БурууБуруу
1
ЗөвЗөв
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж