Дональд Трамп Өмнөд Каролина мужид Никки Хейлиг ялснаар Бүгд найрамдах намаас Ерөнхийлөгчийн сонгуульд нэр дэвшихэд нэг алхам ойртлоо. Ерөнхийлөгч асан үндсэн өрсөлдөгчийнхөө төрөлх мужид 20 онооны зөрүүтэй ялалт байгуулсан нь түүний дөрөв дэх дараалсан ялалт юм.
АНУ-ын хэвлэл мэдээллийн хэрэгслээр Бямба гаригт Дональд Трампийг Каролина мужид ялалт байгуулах өндөр магадлалтайг зарласны дараа тэрбээр " Бид Жо Байдены нүд рүү эгц хараад чамайг халлаа гэж хэлэх болно. Байден манай улсыг бүхэлдээ сүйрүүлж байна" гэжээ. Мөн Бүгд найрамдах намыг магтаж, урьд өмнө хэзээ ч ийм эв нэгдэлтэйг харж байгаагүй талаараа дурджээ.

Трампын сонгуулийн кампанит ажил нь Хейлигийн хүчин чармайлтыг үгүйсгэж, Бямба гаригт  хийсэн мэдэгдэлдээ "Хейлигийн төөрөгдөл нь түүний дүгнэлтийг бүдгэрүүлж, бодит байдалтай нийцэхгүй байна" гэв.  Энэ нь экс Ерөнхийлөгч ирэх сарын дотор албан ёсоор нэр дэвшүүлэх хангалттай төлөөлөгч цуглуулна гэж таамаглаж байна.

Эх сурвалж: BBC