Зэвсэгт хүчний нэгтгэл, анги, байгууллагуудын гамшиг, ослын хор уршгийг арилгахад дэмжлэг үзүүлэх бүлэг, томилгоот бүрэлдэхүүн хоёрдугаар сарын 24-25-ны өдрүүдэд 17 аймаг, нэг дүүргийн нутаг дэвсгэрт малчин айл өрхүүдэд малын тэжээл хүргэх, зам гаргах ажил ажилд дэмжлэг үзүүлсэн юм.

Энэ ажилд Зэвсэгт хүчний 26 нэгтгэл, анги, байгууллагаас томилогдсон 180 цэргийн алба хаагч, туулц сайтай 80 нэгж техниктэйгээр 457 малчин өрхөд 69.7 тонн өвс, 182.5 тонн тэжээл, 82.1 тонн хивэг, 40 тонн нүүрс хүргэж, 952.5 километр замын даваа, гүвээний цасанд боогдсон хэсгийг нээж, зам гаргах, цасанд боогдсон, саатсан иргэдийн 24 автомашин, тээвэрчид, ард, иргэдэд тусалж, 3 айлыг нүүлгээд байна.