"1XBET" нэгдсэн Улсын аварга шалгаруулах тэмцээнд оролцсон холбоо бүрт 15 сая төгрөгийн хөрөнгө оруулалт хийх гэнэ. Спортын бооцоот тааврын "1ХBet Mongolia" компани спорт холбоодыг дэмжих "1xBet Charity foundation" хөтөлбөрийг хэрэгжүүлж буй. Уг хөтөлбөрийн хүрээнд тус компани холбоодын нэгдсэн УАШТ-ий бүрэлдэхүүнд багтсан спорт холбоо бүрт 15 сая төгрөгийн хөрөнгө оруулалт хийхээр болжээ.

Энэ хөрөнгө оруулалт нь тухайн спортын ирээдүйн хөгжилд зарцуулах юм. Энэ жил гурав дахь удаагаа зохион байгуулсан холбоодын нэгдсэн УАШТ-ий хөтөлбөрт 15 спорт холбоо үндсэн төрлөөр, таван спорт холбоо үзүүлэх төрлөөр багтсан бөгөөд 3000 гаруй тамирчин 384 багц медалийн төлөө 10 хоногийн турш өрсөлдсөн юм.