АНУ-ын ерөнхийлөгч Жо Байден сонгуулийн амлалтаа биелүүлж, өнгөрсөн оны наймдугаар сард америк оюутнуудын сургалтын төлбөрийн зээлийн өрийг тэглэх шийдвэр гаргасан. Тодруулбал, сургалтын төлбөрийн зээлийн өртэй хүмүүсийн сарын орлого нь 125 мянган ам.доллар буюу түүнээс доош бол нийт дүнгээс 10 мянган ам.долларыг тэглэх шийдвэр гаргажээ.

Тэгвэл Байдены засаг захиргаа "SAVE" төлөвлөгөөний үндсэн заалтын дагуу дахин 1.2 тэрбум ам.долларын оюутны зээлийн өрийг чөлөөлөв. Нийт 153 мянга гаруй зээлдэгчийн өрийг автоматаар дарсан тухай албаныхан өнөөдөр мэдэгдлээ.

Боловсролын нарийн бичгийн дарга Мигель Кардона мэдээлэл өгөхдөө "Бид үлдэгдэл багатай зээлдэгчдэд дахин тодорхой мессеж илгээж байна. Хэрвээ та 10 жил төлбөрөө төлсөн бол үүргээ гүйцэтгэсэн гэсэн үг. Та тусламж авах ёстой гэсэн мессежийг хүргэж байна" гэжээ.

Байден албан тушаалаа хүлээж авснаас хойш 3.9 сая гаруй зээлдэгчид бараг 138 тэрбум ам.доллар зарцуулжээ.

Ерөнхийлөгч Жо Байден арваннэгдүгээр сард болох сонгуулиас өмнө энэ тусламжаа зорилтот хүмүүст нь хүргэхийг оролдож байна. Байден 2020 оны ерөнхийлөгчийн сонгуулийн кампанит ажлын үеэр Цагаан ордонд орж чадвал оюутны зээлийг их хэмжээгээр тэглэнэ гэдгээ амлаж байв. Энэхүү амлалт нь коллежийн оюутнуудын сонгуулийн ирцийг урьд өмнө байгаагүйгээр нэмэгдүүлсэн гэж шинжээчид үздэг. Аризона, Мичиган, Пенсильвани зэрэг хэд хэдэн гол мужид амжилтад хүрье гэвэл залуу сонгогчдод нөлөөлөх нь асар чухал аж.

Эх сурвалж: YAHOO FINANCE