Энэтхэгийн цагдаа нар Хятадын тагнуулч гэж сэжиглэгдэж байсан тагтааг найман сар баривчлан саатуулсны эцэст Мягмар гаригт сулалсан тухай "Press Trust of India" хэвлэл мэдээлэв. Тус тагтаа нь өнгөрсөн тавдугаар сард Мумбай дахь боомтын ойролцоо олдсон ба хөлөндөө хятад ханз бүхий бичиг агуулсан цагираг зүүсэн байжээ. Цагдаа нар шувууг тагнуулын мэдээлэл хүргэж болзошгүй гэж үзэн мал эмнэлгийн үзлэгт оруулж, нарийн хяналтад аваад байсан юм.

Гэвч тагтаа нь Тайванийн задгай усанд уралддаг шувуу болох нь тогтоогдсон. Тагтаа бэлтгэлийн үеэр ниссээр Энэтхэгт хүрсэн нь тэр юм.

Өмнө нь иймэрхүү төрлийн үйл явдал Энэтхэгт хэд хэдэн удаа гарсны нэг нь 2020 онд цөмийн зэвсэг ашиглагддаг газар нутгаар мэдээлэл дамжуулдаг гэгдэх шувууг баривчлаад байсан ч угтаа Пакистан загасчны тэжээвэр шувуу байсан юм.

Эх сурвалж: AP NEWS