ОХУ-ын сөрөг хүчний удирдагч Алексей Навальныйг Москвагийн шоронгоос Арктикийн Ик-3 шорон руу арванхоёрдугаар сард шилжүүлсэн байсан. Өдгөө 47 настай Навальный шоронд нас барсныг "CNN" агентлаг мэдээллээ.

Албаныхан түүний гэнэтийн үхлийг шалгаж байгаа гэх мэдээллийг өгөв. Ерөнхийлөгч Путин түүний үхлийн талаарх мэдээллийг хүлээж авсан гэдгийг Кремлийн хэвлэлийн төлөөлөгч Дмитрий Песков хэлжээ.

Харин Навальныйн хуульч Харп дахь Ик-3 шорон руу явсан байна. Ямар нэг мэдээлэл дуулмагцаа эргэн мэдэгдэнэ гэж Навальныйн хэвлэлийн төлөөлөгч Кира Ярмыш жиргэжээ.

Навальный өнгөрсөн оны наймдугаар сард 19 жилийн хорих ял авсан. Хоригдсоноос хойш дөрвөн сарын дараа түүний хуульчид Навальныйтай холбоо барьж чадахгүй байна гэж мэдэгдэж байв. 20 өдөр сураггүй байсны эцэст тэр Харп дахь Ик-3 шоронд байгаа нь тодорхой болсон. Энэ нь Москвагийн зүүн хойд зүгт 1900 км зайд байдаг бөгөөд аюулгүй байдлын түвшингээрээ Орост дээгүүр ордог.

Эх сурвалж: CNN