Туульч Э.Баатаржав Энэтхэгийн нэртэй уран бүтээлчтэй хамтарчээ

Өвлөн уламжлагч, Төрийн батламжит туульч, Соёлын гавьяат зүтгэлтэн Э.Баатаржав Энэтхэгийн нэртэй уран бүтээлч Мохийт Чоухантай хамтран уран бүтээл хийжээ. Энэ бүтээлийг нь дөрөв хоногийн дотор 3,5 сая хүн үзсэн байна. Сэтгэлд урсан орох донж аялгуутай энэ дуу нь эх байгаль хүн хоёрын харилцаа хийгээд түүнийг хайрлан хамгаалах, магтан алдаршуулах тухай аж.

Амар мөрнөөс Тэнгэр уулыг гатлан Кавказ хүртэлх нутагт оршин байдаг Ар Бөргилдүү (Бумба)-гийн намуун сайхан орны тухай өгүүлсэн бөгөөд Монголоор дуулах хэсгийн шүлэг, аяыг Э.Баатаржав туульч өөрөө зохион дуулсан байна.

Уран бүтээлийн нээлтийн арга хэмжээ 2024 оны хоёрдугаар сарын 10-нд Энэтхэг улсад болжээ. Арга хэмжээнд Монгол Улсаас БНЭУ-д суугаа Элчин сайд Д.Ганболд, БНЭУ-ын Дэлхийн шинжлэх ухааны сайд К.Рижижү, Гадаад хэрэг, соёлын Төрийн сайд М.Лекхи, БНЭУ-аас Монгол Улсад сууж байсан Элчин сайд М.П.Сингх нар оролцсон байна. Энэтхэгийн нэрт дуучин Мохийт Чоухан "Уг уран бүтээлийг цуурч, туульч, хөөмийч Э.Баатаржав надтай хамтарсан бөгөөд төв болон Умард Энэтхэгт зураг авалтын ажлыг хийсэн" хэмээн танилцуулсан байна.