Дэлхийн хамгийн том эдийн засгууд нэг нэгнээсээ тусгаарлаж, задрал ажиглагдаж байна гэж “Bank of America” мэдэгдэв. Тодруулбал, АНУ-ын эдийн засаг аливаа хямралд тэсвэртэй хэвээр байгаа бөгөөд Европын өсөлт саарч, Хятад улс үл хөдлөх хөрөнгийн асуудал, дефляци, хүн ам зүйн хямрал зэргээс шалтгаалан хамгийн хэцүү төлөвтэй тулгарч байна.

Дэлхийн эдийн засгийн томоохон тоглогчид өөр өөр замаар явж байгаа бөгөөд дэлхийн зах зээлүүд өөрчлөлтийг даган хувьсаж байна.

"Дэлхийн өсөлт, худалдаа, хөрөнгийн зах зээлд задралын шинж тэмдэг илэрч байна" гэж “Bank of America”-ийн стратегичид баасан гаригт бичсэн тэмдэглэлдээ бичжээ.

Ялангуяа АНУ-д сүүлийн улиралд ДНБ-ий хүчтэй өсөлттэй гарч, инфляци тогтвортой буурч, эдийн засгийн ирээдүйтэй мэдээлэл, хөрөнгийн зах зээлийн өсөлт зогсохгүй байна.

“Bank of America” нь АНУ-д өнгөрсөн зургадугаар сараас эхлэн мөнгөний зөөлөн бодлого барьж, зөөлрүүлэх бодлого баримталж байна. Уолл Стрийтийн олонх нь ижил төстэй үзэл бодолтой байгаа бөгөөд хөрөнгө оруулагчид энэ өөдрөг үзлээр арилжаа хийж, S&P 500 сүүлийн долоо хоногт хэд хэдэн дээд амжилт тогтоов.

Үүний зэрэгцээ санхүүгийн нөхцөл байдал улам хүндэрсэн нь АНУ-ын арилжааны үл хөдлөх хөрөнгийн салбарыг илүү дарамтанд оруулж, оффисын барилгын зах зээлд илүү их хохирол учруулж байгааг “The Bank of America” тэмдэглэв. Сангийн сайд Жанет Йеллен үүнд санаа зовж байгаагаа илэрхийлсэн боловч энэ нь банкны салбарт системийн эрсдэл болж хувирахгүй гэдэгт итгэлтэй байна.

Инфляцийн үр нөлөөг даван туулахын тулд Холбооны нөөцийн сан юу хийх нь тодорхойгүй хэвээр байгаа ч энэ нь эдийн засгийн бусад хүчирхэг төвүүдтэй харьцуулахад АНУ-ын байр суурийг эрс өөрчлөхгүй.

Нөгөө талд Евро бүсийн хэтийн төлөв илүү сул харагдаж байна.

"Евро бүсийн эдийн засгийн өсөлт маш бага, тэр дундаа Германд төсөөлж байснаас доогуур мэдээлэл байна" гэж стратегичид хэлэв. "Үүнийг үл харгалзан Европын  төв банк  зургадугаар сараас хүүгээ бууруулж эхлэх нь бидний үндсэн нөхцөл хэвээр байна"

Евро бүсийн өсөлтийг 2024 онд 0.4%, 2025 онд 1.1% байна гэж “Bank of America” таамаглаж байна. Гэвч тус холбооны хамгийн том эдийн засаг болох Герман -0.4% -иар сул байх бол Испани 1.3% -ийн өсөлтийг үзүүлэх болно.

"Германы дотоодын эрэлт хэрэгцээ нь Евро бүсийн бусад орнуудын экспортын томоохон хөдөлгөгч хүчин хэвээр байгаа. Гэвч Евро бүсийн үйлдвэрлэлийн сүлжээг нэгтгэснээр Германы экспорт  ч мөн адил нөхцөлд байна"

Хятад улсын хувьд хүн ам зүйн таагүй байдал, хэрэглэгчдийн итгэл үнэмшил, гадаадын хөрөнгө оруулагчид дайжих болсон зэрэг давтагдашгүй олон хямралтай  тулгарч байна.

Эдийн засгийн эдгээр эсрэг тэсрэг үзүүлэлтүүд хувьцаанууд дээр ажмглагдаж, Хятад улс дэлхийгээс хоцорч эхлэв.

"SPX нь MSCI World Index-ээс илүү гарсан бол Европын хөрөнгийн биржүүд харьцуулахад доогуур үзүүлэлттэй байна" гэж BofA-ийн стратегичид хэлэв. "Түүгээр ч зогсохгүй Хятадын хөрөнгийн биржийн задрал илүү хурц байгаа бөгөөд одоогоор сэргэх шинж тэмдэг илрээгүй байна."

ЭХ СУРВАЛЖ: BUSINESS INSIDER